តាម Yonhap នៅថ្ងៃទី២១មិថុនា ប្រធានាធិបតីកូរ៉េខាងត្បូង Moon Jae-in និងនាយករដ្ឋមន្ដ្រីរុស្ស៊ី Dmitry Medvedev បានឯកភាពគ្នាបង្កើនកិច្ចប្រឹងប្រែងរួមវាងប្រទេសទាំងពីរ សំដៅរំសាយនុយក្លេអ៊ែរនៅឧបទ្វីបកូរ៉េនិងជំរុញកិច្ចសហប្រតិបត្តិការទ្វេភាគី។
ប្រធានាធិបតីកូរ៉េងខាងត្បូង(ស្ដាំ)និងនាយករដ្ឋមន្ដ្រីរុស្ស៊ី
វិមានប្រធានាធិបតីកូរ៉េខាងត្បូង បានចេញសេចក្ដីថ្លែងការណ៍ព័ត៌មានថា៖ រុស្ស៊ីនិងកូរ៉េខាងត្បូងបានព្រមព្រៀងបង្កើនចំណងទាក់ទងយុទ្ធសាស្ដ្ររវាងប្រទេសទាំងពីរដើម្បីគាំទ្រដល់ដំណើរការរំសាយនុយក្លេអ៊ែរទាំងស្រុងនៅឧបទ្វីបកូរ៉េ ហើយកសាងខឿនសន្តិភាពយូរអង្វែងមួយ។
នាយករដ្ឋមន្ដ្រីរុស្ស៊ីក៏បានស្វាគមន៍តួនាទីរបស់កូរ៉េខាងត្បូងក្នុងការបង្កើតនូវឱកាសធ្វើឱ្យមាននាជំនួបកំពូលជាប្រវតិ្ដស្ដ្ររវវាងអាមេរិកនិងកូរ៉េខាងជើងកន្លងមក៕
សូយន
