នៅថ្ងៃពុធម្សិលមិញនេះ លោកប្រធានាធិបតីអាមេរិក ដូណាល់ ត្រាំ បានចុះហត្ថលេខាលើក្រិត្យមួយ ឈប់ពង្រាត់ក្មេងមិនទាន់ពេញវ័យពីឪពុកម្តាយអន្តោប្រវេសន៍ ដែលរត់ឆ្លងពីម៉ិចស៊ិកមកសហរដ្ឋអាមេរិក។
លោកប្រធានាធិបតីអាមេរិក ដូណាល់ ត្រាំ បានចុះហត្ថលេខាលើក្រិត្យឈប់បំបែកក្មេងអន្តោប្រវេសន៍ពីឪពុកម្តាយ
នៅចំពោះមុខការរិះគន់ ទាំងនៅក្នុងប្រទេស លើពិភពលោក និងក្នុងជួរបក្សសាធារណរដ្ឋផ្ទាល់ លោក Donald Trump ក៏សុខចិត្តដកថយ និងបានចុះហត្ថលេខាយ៉ាងរួសរាន់លើក្រិត្យ បញ្ជាឱ្យឈប់បំបែកក្មេងពីឪពុកម្តាយ តែត្រូវឱ្យចាប់ឃុំឃាំងជុំគ្នាទាំងគ្រួសារ តែម្តង នូវរាល់អន្តោប្រវេសន៍ណាដែលបានរត់ឆ្លងព្រំដែនដោយខុសច្បាប់ និងក្នុងពេលរង់ចាំបំពេញដំណើរការបែបបទតាមច្បាប់។
សេចក្តីសម្រេចចិត្តដ៏ភ្ញាក់ផ្អើលនេះតម្រូវឱ្យក្រុមអ្នកតំណាងនៅសភាត្រូវប្រញាប់អនុម័តច្បាប់អន្តោប្រវេសន៍ ប៉ុន្តែ សម្រាប់សមាជិកសភាបក្សប្រជាធិបតេយ្យ ទង្វើរបស់លោក Trump នឹងមិនធ្វើឱ្យពួកគេប្តូរចិត្តទៅបោះឆ្នោតគាំទ្រច្បាប់ ស្នើឡើងដោយលោកប្រធានាធិបតីឡើយ។
សូមបញ្ជាក់ថា ដើម្បីអាចចាប់ឃុំឃាំងអន្តោប្រវេសន៍ខុសច្បាស់ដែលរត់ឆ្លងចូលអាមេរិកតាមព្រំដែនម៉ិចស៊ិក ទាំងអស់ ១០០% ៕
សួយន
