ស្ត្រីវ័យក្មេងម្នាក់ ឈ្មោះ Shelby Carter អាយុ ២១ឆ្នាំ មកពីរដ្ឋ Illinois សហរដ្ឋអាមេរិច បានផ្តល់កំណើតដល់កូនស្រីដ៏ ស្រស់ស្អាតម្នាក់កាលពីខែមករា ឆ្នាំ ២០១៧។ នាងបានដាក់ឈ្មោះ កូនស្រីថា Keana Davis។
នៅថ្ងៃទី ២៩ ខែមករា នាងបានប្រារព្ធវិធីខួបកំណើតអាយុ ២១ឆ្នាំ ប៉ុន្តែជាអកុសល មួយថ្ងៃក្រោយពេលធ្វើខួបកំណើតរួច ស្ត្រីនោះបានកំពុងនៅផ្ទះជាមួយនឹងកូនអាយុ ១២ថ្ងៃរបស់នាង ស្រាប់តែមានផ្ទះរបស់នាងត្រូវភ្លើងឆេះដោយមិនដឹងមូលហេតុ។
នាង Shelby បានព្យាយាមតេទៅកាន់ភ្នាក់ងារសង្គ្រោះបន្ទាន់ ខណៈពេលដែលផ្ទះរបស់គាត់កំពុងត្រូវភ្លើងឆេះយ៉ាងខ្លាំង។
ប៉ុន្តែនៅពេលអ្នកពន្លត់អគ្គិភ័យមកដល់ផ្ទះ ពួកគេក៏បានឃើញនាងដេកស្លាប់នៅជាន់ទី ២ ក្បែរបង្អួច។ គាត់ស្លាប់ដោយសារតែឈ្លក់ផ្សែងខ្លាំង តែអ្វីដែលធ្វើឲ្យអ្នកពន្លត់អគ្គិភ័យមានការភ្ញាក់ផ្អើលនោះគឺថា ពួកគេបានឃើញទារកម្នាក់ ចង់ជាប់នឹងខែ ហើយសំយ៉ុងចុះខាងក្រៅផ្ទះ។
បើតាមការសន្និដ្ឋាន ស្ត្រីជាម្តាយ បានព្យាយាមធ្វើអ្វីៗគ្រប់បែបយ៉ាង ដើម្បីឲ្យកូនរបស់គាត់រួចផុតពីសេចក្តីស្លាប់ ទោះបីគាត់ដឹងថា ត្រូវស្លាប់ដោយសារភ្លើងក៏ដោយ។
នាងប្រហែលជារកមើលអ្វីនៅសេសសល់ក្នុងផ្ទះ ដើម្បីចងកូនរបស់នាងទម្លាក់មកខាងក្រៅ មុនពេលនាងត្រូវស្លាប់។ ទារក Keana Davis ត្រូវបានគេជួយសង្គ្រោះ ដោយមានរបួសរលាកតិចតួច នឹងត្រូវបានយាយរបស់នាងយកត្រឡប់ទៅផ្ទះ៕ សុភ័ក្ត្រ
ប្រភព៖ World News Daily Report