ស្ត្រីវ័យ ២១ឆ្នាំ ម្នាក់ នៅស្កុតលែន បានសម្រេចបោះបង់ចោលស្វាមីអាយុ ៤០ឆ្នាំ ដោយគ្រាន់តែជ្រុលខ្លួនរួមមេត្រីជាមួយស្នេហ៍ថ្មីម្តងគត់ ។
Andy Michell នៅមណ្ឌល Fife ថ្មីៗនេះបានប្រកាសលើបណ្តាញសង្គម ដើម្បីលក់ចិញ្ចៀនរៀបការរបស់ខ្លួន ក្នុងតម្លៃ ៤០០ផោនអង់គ្លេស (ប្រមាណ ៦០០ដុល្លារ) ។
តាម The Sun Michell ប្រាកដជាចង់លក់ចិញ្ចៀននេះភ្លាមដោយប្រពន្ធរបស់គេបានក្បត់ចិត្ត និងចាកចេញទៅពុំបាន១សប្តាហ៍ក្រោយរៀបការផង ។
មង្គលការដ៏រ៉ូមែនទិកនៅឆ្នេរសមុទ្ររបស់ Michell និង ភរិយាកាលពីដើមខែមិថុនា ។
ដំណើររឿងគឺនៅថ្ងៃទី ៣ ខែមិថុនា កន្លងមក Michell និង Meaghan (អាយុ២១ឆ្នាំ) បានរៀបចំមង្គលការនៅឆ្នេរសមុទ្រមិចស៊ីកូ ហើយចំណាយអស់ ៣០ពាន់ផោន ។ ១ថ្ងៃក្រោយមកពួកគេបានវិលត្រឡប់ទៅស្រុកកំណើតរបស់ Meaghan ហើយមិនបានប៉ុន្មានផង ស្រាប់តែស្រីស្រស់រូបនេះ បានគេចខ្លួនបាត់ស្រមោលទៅនៅជាមួយបុរសផ្សេង ។ ប្រភពព័ត៌មានឲ្យដឹងថា Meaghan និងបុរសនោះបានធ្លាប់ស្គាល់គ្នាបាន ១០ឆ្នាំមកហើយ ប៉ុន្តែ Meaghan បដិសេធថាពុំដែលរួមរ័ក្សជាមួយបុរសនោះមុនពេលរៀបការទេ ។ ស្រីស្រស់ចិត្តចើករូបនេះនិយាយថា យើងខ្ញុំមិនដែលប៉ះពាល់គ្នានៅមុនពេលខ្ញុំរៀបការទេ យើងទើបមានអ្វីៗជាមួយគ្នាក្រោយពេលខ្ញុំរៀបការប៉ុណ្ណោះ ។ យើងខ្ញុំដឹងថា ទោះយ៉ាងណារឿងបែបនេះវាខុសឆ្គង តែក៏មិនខ្លាចនឹងទទួលខុសត្រូវឡើយ ។
ស្រីស្រស់រូបនេះថែមទាំងឆ្លើយយ៉ាងខ្លី និងគឃ្លើនថា “ខ្លួនសម្រេចចិត្តយកសង្សារចាស់ ព្រោះតែបុរសនោះពូកែរឿងលើគ្រែជាងស្វាមីដែលទើបរៀបការរបស់នាង “។
ចំណែក Michell បានប្រាប់ TheSun ទាំងឈឺចាប់ថា ៖ “នាងនោះបានប្រវ័ញ្ចចិត្តបរិសុទ្ធរបស់ខ្ញុំ ខ្ញុំមានអារម្មណ៍តក់ស្លុតនិងមានអារម្មណ៍ខ្ពើមរអើមយ៉ាងខ្លាំង ។ លើកចុងក្រោយខ្ញុំបានជជែករឿងនេះជាមួយ Meaghan នាងបានព្រលយពាក្យថា បុរសនោះពូកែរឿងលើគ្រែជាងខ្ញុំ ហេតុនេះនាងត្រូវបង្ខំចិត្តចាកចេញទៅ ។
Michell និង Meaghan បានស្គាល់គ្នាប៉ុន្មានឆ្នាំមុនពេលសម្រេចរៀបការ ។ បុរសខូចចិត្តម្នាក់នេះ នៅបានលាតត្រដាងថា ខ្លួននិងភរិយាមុនមានកូនប្រុសម្នាក់ ហើយបន្ទាប់មកក៏បានចងមេជីវិតអស់ ២.០០០ផោន ហើយមុនរៀបការនាង Meaghan បានប្រាប់ខ្ញុំឲ្យទៅស្រាយចំណងនោះចេញ ចំណាយអស់ ២០០០ផោនទៀត ។ អ្វីៗវាក៏បានបាត់បង់អស់ទៅហើយ ៕ ចន្ទ្រា