ថ្ងៃចន្ទ ១៨ មិថុនា លោក ដូណាល់ ត្រាំ បានបញ្ជាទៅក្រសួងការពារជាតិ ឲ្យចាប់ផ្តើមនីតិវិធីចាំបាច់ “ដើម្បីបង្កើតកងទ័ពអវកាស ក្នុងឋានៈជាកងទ័ពទី៦ របស់សរអា។ តាមសំដី លោក ត្រាំ ៖ ដើម្បីការពារ សរអា បើពឹងផ្អែកតែលើកងអាកាសប៉ុណ្ណោះ គឺមិនគ្រប់គ្រាន់ទេ សម្រាប់យើងគឺចាំបាច់ ត្រូវតែបង្កើតកងទ័ពអវកាស ។លោក ដូណាល់ ត្រាំ បានប្រកាសថា: គាត់នឹងឲ្យភ្លើងខៀវ ដល់ការបង្កើតកងទ័ពទី៦នោះ នៅទន្ទឹមនឹងទ័ពជើងគោក ទ័ពអាកាស ទ័ពម៉ារីន ទ័ពនាវិកឡើងគោក និង ទ័ពឆ្មាំឆ្នេរសមុទ្រ។
គម្រោងបង្កើតទ័ពអវកាស ត្រូវទទួលការអនុម័តពីខាងរដ្ឋសភា គឺ ក្រោយពី ម៉ូស្គូ និង វ៉ាស៊ីនតោន បានចេញសេចក្តីថ្លែងការណ៍ សុទ្ធតែខ្លាចរៀងៗខ្លួន ក្រែងមានការរត់ប្រណាំងបំពាក់សព្វាវុធតទៅទៀត។
រូប៖ប្រធានាធិបតីសរអា Donald Trump
អ្នកនាំពាក្យក្រសួងការបរទេសរុស្ស៊ី លោកស្រី Maria Zakharova ចង្អុលឲ្យឃើញថា ៖ អ្វីដែលនាំឲ្យម៉ូស្គូខ្វល់មែនទែន គឺ គម្រោងនេះរបស់ក្រុងវ៉ាស៊ីនតោន គឺ “ហេតុការណ៍នាំឲ្យរង្គោះរង្គើ” ដល់សន្តិសុខអន្តរជាតិ។
កាលពីខែមីនា លោក វ្ល៉ាឌីមៀរ ពូទីនបានថ្លែងសុន្ទរកអួតអាងពីមីស៊ីលនុយក្លេអ៊ែរ ធុនថ្មីៗដែល “គ្មានអ្វីអាចទប់ស្កាត់វាឡើយ” សម្រាប់ប្រឈមនឹងប្រព័ន្ធខែលមីស៊ីលប្រឆាំងមីស៊ីលអាមេរិកាំង ដំឡើងនៅអឺរ៉ុបខាងកើត និង នៅអាស៊ីបូព៌ា។
ប្រទេសរុស្ស៊ី សព្វថ្ងៃមានទ័ពអវកាស ដែលអាស្រ័យនឹងកងអាកាស។ តាមវិមានក្រេមឡាំងប៉ុន្មានថ្ងៃក្រោយមក ប្រធានាធិបតីទាំងពីរ បានសន្ទនាគ្នាតាមទូរស័ព្ទ ហើយចុះសម្រុងគ្នាថា ស្រាក់កម្លាំងគ្នា “កម្រិតការរត់ប្រណាំងបំពាក់សព្វាវុធ” ៕
សូយន