មានរឿងរ៉ាវជាច្រើនក្នុងឆាកជីវិត របស់មនុស្សមួយចំនួនដែលគេហៅថា បាតុភូតសង្គ្រោះសត្វ សត្វសងគុណវិញ ។ ខាងក្រោមគឺជារឿងពិតរបស់ប្តីប្រពន្ធសិល្បៈកូរ៉េខាងត្បូង ៖ Kang Won Rae និង Kim Song ដែលពួកគេទាំងពីពុំមានកូន មានតែឆ្កែមួយក្បាលឈ្មោះ Doldol ដែលកំដរជីវិតអាពាហ៍ពិពាហ៍របស់អ្នកទាំងពីរ ។
តាំងពីឆ្នាំ ២០១១មក Doldol ត្រូវបានពេទ្យវិនិច្ឆ័យថា វាកើតជំងឺមហារីកឈាម ។
ពួកគេទាំងពីបានខ្លោចចិត្តសម្លឹងមើល Doldol ជាទីស្រឡាញ់របស់ខ្លួនឈឺចាប់នឹងការវាយប្រហារនៃជំងឺដ៏កាចសាហាវនេះ ។ ពួកគេក៏សម្រេចចិត្តធ្វើនូវអី្វៗដែលនៅក្នុងកំឡុងពេលវារស់នៅជាមួយពួកគេតែងចូលចិត្តជាអាទិ៍ថតរូបជាមួយគ្នា ដើរលេងតាមមាត់សមុទ្រ ពិសេសទៅរំអិលព្រិល ។
ក្នុងដំណើរដើរលេងចុងក្រោយនេះរួច វាបានសន្លប់រួចមិនអាចដឹងខ្លួនជារៀងរហូត ។
២ខែក្រោយ ការស្លាប់របស់ដុលដុល ហេតុការណ៍ដែលគូស្វាមីពីរនាក់នេះមិននឹកស្មានដល់គឺ នាងជាភរិយាបានមានគភ៌និងកើតបានកូនម្នាក់ ។
មិនថាប្តីប្រពន្ធសិល្បករពីរនាក់នេះទេ សូម្បីមិត្តភក្តិសាច់ញាតិក៏និយាយថា កូននេះប្រហែលជាដុលដុលមកចាប់ជាតិដើម្បីជាកិច្ចតបស្នងគុណចំពោះការមើលថែរបស់គូស្វាមីភរិយាទាំងពីររូបនេះ ៕ ចន្ទ្រា