ថ្មីៗនេះ ខណៈដែលលោក ឃុំ ប៉ុណ្ណាដែត បានចេញទៅប្រទេសបារាំងដើម្បីបំពេញការងារផ្ទាល់ខ្លួន អ្នកនាង យក់ ថិតរដ្ឋា ដែលជាភរិយាបានបង្ហើរពេក្យពេជន៍នឹករឭកប្ដី តាមរយៈបណ្ដាញសង្គមហ្វេសប៊ុករបស់អ្នកនាង ប៉ុន្តែអ្វីដែលធ្វើឱ្យអ្នកគាំទ្រចាប់អារម្មណ៍នោះ គឺនៅឃ្លាចុងក្រោយនៃសំនេររបស់ម្ចាស់បទ «ទឹកភ្នែកហូរគ្មានអ្នកជូត» រូបនេះ និយាយពីអ្នកជំពាក់លុយមិនព្រមសង ។
នៅក្នុងសំណេរផ្ញើជូនលោក ឃុំ ប៉ុណ្ណាដែត ដែលកំពុងនៅឆ្ងាយ និងឆ្លៀតផ្ញើជូនអ្នកជំពាក់លុយមិនព្រមសងនោះ អ្នកនាង យក់ ថិតរដ្ឋា បានសរសេរយ៉ាងដូច្នេះថា «នឹកខ្លាំងណាស់រកពាក្យនិយាយមិនចេញទេតែ……….ពិតជានឹកណាស់ honey សូមអោយក្តីប្រាថ្នារបស់honey មិនថាការងារ ! គឺគ្រប់យ៉ាងដែលបងគិតគឺជាចិត្តរបស់អូនទាំងអស់សូមបានសំរេចគ្រប់រឿងតែអ្វីដែលសំខាន់គឺថាអ្នកជំពាក់លុយទាំងអស់សូមមេតា្តសងវិញឆាប់ៗផងពួកខ្ញុំមិនមែនអ្នកមានទេអោយខ្ចីលុយសង្ឃឹមការប្រាក់តែបើមិនសងគឺសុីសៀងហើយ មនុស្សធ្វើល្អព្រះតាមជួយណាបង !» ។
គួរបញ្ជាក់ថា នេះជាលើកទី១ ហើយ ដែលមហាជនបានឃើញអ្នកនាង យក់ ថិតរដ្ឋា បង្ហោះសារធ្ងន់ៗ បង្ហាញពីបញ្ហាផ្ទាល់ខ្លួនៅហ្វេសប៊ុកដូចនេះ ៕ សាវុធ