ក្រៅពីអាជីពជាពិធីការិនី ដ៏មានប្រជាប្រិយភាពនៅក្នុងស្ថានីយទូរទស្សន៍បាយ័ន កញ្ញា ហ៊ិន ច័ន្ទនីរ័ត្ន ក៏ជាតារាសម្ដែងដ៏មានសមត្ថភាពខ្លាំងម្នាក់ផងដែរ ខណៈដែលបច្ចុប្បន្នកញ្ញា កំពុងទទួលបានការគាំទ្រខ្លាំងពីសំណាក់ទស្សនិកជន ។
ជាមួយគ្នានេះផងដែរ ជារឿយៗគេក៏បានឃើញកញ្ញា ហ៊ិន ច័ន្ទនីរ័ត្ន បង្ហើរសំនៀង ក៏ដូចជាលេងឧបករណ៍តន្ត្រីសម័យ ផងដែរ ជាលក្ខណៈកម្សាន្តនៅលើទំព័រហ្វេសប៊ុករបស់កញ្ញា ហើយជាក់ស្ដែងកាលពីពេលថ្មីៗនេះតួឯកស្រីនៅរឿង «ធ្មប់» បានច្រៀង Cover ចម្រៀងមួយបទមានចំណងជើងថា «love បង» ជាសំនៀងដើមរបស់អ្នកនាង ហង្ស សុជាតា ។
គេសង្កេតឃើញថា សម្រាប់ការបកស្រាយចម្រៀងមួយបទខាងលើនេះ កញ្ញា ហ៊ិន ច័ន្ទនីរ័ត្ន ធ្វើបានយ៉ាងល្អ រហូតមានអ្នកគាំទ្រជាច្រើនសរសើរមិនដាច់ពីមាត់ឡើយ ៕ សាវុធ