ហ្វូងកណ្តុរធំៗខុសធម្មតា បានធ្វើការ “ឈ្លានពាន” ទីប្រជុំជនមួយនៅប្រទេសស៊ុយអែត ហើយពួកវាបានបង្កើតកូនចៅដ៏ច្រើនកុះករ សម្លុតគំរាមស្មារតីពលរដ្ឋរហូតដល់ថ្នាក់សមត្ថកិច្ចនៅទីនោះ បានបង្ខំចិត្តមិនឲ្យសិស្សតូចៗចេញមកលេងក្រៅថ្នាក់ នៅពេលសម្រាក ។
ពួកកណ្តុរធំៗដូចឆ្មាធ្វើឲ្យពលរដ្ឋរស់នៅក្នុងក្តីបារម្ភរហូត តាមស្ថានីយ៍ជាតិ SVT ផ្សាយព័ត៌មានឲ្យដឹងថា ៖ “នេះពុំមែនជាប្រភេទកណ្តុរធម្មតានោះឡើយ ពួកវាមានទំហំធំដូចឆ្មា ហើយបានឆ្លៀតចូលមករស់នៅគ្រប់ទីកន្លែងក្នុងប្រជុំជននេះ ។ អាស្រ័យដូចបានជូនព័ត៌មានខាងលើសំណូមដល់ពលរដ្ឋនៅប្រជុំជន Sundsvall ភាគខាងជើងស៊ុយអែត ត្រូវបិទទ្វារបង្អួចដើម្បីបង្ការពួកកណ្តុរទាំងនេះចូលអុកឡុកក្នុងផ្ទះបាយ ។
តាមរយៈសា្ថនីយ៍ទូរទស្សន៍នេះ បានសំណូមពរមិនត្រូវទុកឲ្យក្មេងៗនៅសាលាមិនត្រូវរត់លេងនៅទីធ្លាខាងក្រៅថ្នាក់រៀនឡើយ ។
កណ្តុរអុកឡុកគ្រប់ទីកន្លែង ។
ទន្ទឹមនោះពេលនេះសមត្ថកិច្ចកំពុងបង្កើតតំបន់រស់នៅមួយបំណងអូសទាញកូនកណ្តុរនេះឲ្យចាកចេញទៅកាន់ទីនោះ ហើយក៏ដូចជាងាយស្រួលសម្រាប់ការគ្រប់គ្រងនិងកម្ទេចសត្វចង្រៃទាំងនេះ ។
សូម្បីអន្ទាក់កណ្តុរដ៏ច្រើនក៏ពុំអាចដោះស្រាយបានបញ្ហា ។ មុននោះកាលពីដើមសប្តាហ៍នេះក្រុមហ៊ុនត្រួតពិនិត្យរោគរាតត្បាតបានធ្វើការរាយអន្ទាក់នៅគ្រប់ទីកន្លែងក្នុងទីប្រជុំជន ប៉ុន្តែលទ្ធផលពុំមានផ្លែផ្កាប៉ុន្មានឡើយ ទើបពួកគេមានវិធានការដូចពោលខាងលើ ៕ ចន្ទ្រា