អ្នកនាំពាក្យរបស់បញ្ជាការដ្ឋានកងទ័ពសហរដ្ឋអាមេរិកប្រចាំប្រទេសកូរ៉េខាងត្បូងលោកវរសេនីយ៍ឯក Chad Carroll ក៏បានបញ្ជាក់កាលពីថ្ងៃសៅរ៍ម្សិលមិញផងដែរថា មឈូសលោហៈចំនួន ១៥៨ ត្រូវបានបញ្ជូនទៅកាន់មូលដ្ឋានទ័ពអាកាសរបស់សហរដ្ឋអាមេរិកនៅជិតទីក្រុងសេអ៊ូល ប្រទេសកូរ៉េខាងត្បូង ដើម្បីដាក់អដ្ឋិធាតុរបស់ទាហានអាមេរិកាំងបញ្ជូនមកកាន់សហរដ្ឋអាមេរិកវិញ។
អាមេរិកបញ្ជូនមឈូស១០០ទៅកាន់ព្រំដែនកូរ៉េខាងជើងដើម្បីទទួលយកអដ្ឋិធាតុទាហានអាមេរិកាំង។
កូរ៉េខាងជើងបានឯកភាពជាមួយនឹង អាមេរិកនៅក្នុងកិច្ចប្រជុំរវាងមេដឹកនាំកូរ៉េខាងជើងលោក Kim Jong Un នឹងប្រធានាធិបតីអាមេរិកលោក Donald Trump កាលពីថ្ងៃទី ១២ ខែមិថុនា នៅក្នុងប្រទេសសិង្ហបុរីថា នឹងប្រគល់អដ្ឋិធាតុរបស់ទាហានអាមេរិកាំងដែលបានបាត់ខ្លួនសម័យសង្គ្រាម(ពីឆ្នាំ ១៩៥០ ដល់ឆ្នាំ ១៩៥៣) ដល់សហរដ្ឋអាមេរិកវិញ។
តាំងពីឆ្នាំ ១៩៩៦ ដល់ឆ្នាំ ២០០៥ ក្រុមស្វែងរករបស់ទាហានចម្រុះរបស់សហរដ្ឋអាមេរិក និងកូរ៉េខាងជើង បានធ្វើប្រតិបត្តិការរុករកចំនួន ៣៣ ដង ដែលប្រមូលបានអដ្ឋិធាតុទាហានអាមេរិកាំងចំនួន ២២៩។ប៉ុន្តែ កិច្ចប្រឹងប្រែងនៅក្នុងការស្វែងរក និងបញ្ជូនអដ្ឋិធាតុផ្សេងទៀតត្រូវបានជាប់គាំងអស់រយៈពេលជាងមួយទសវត្សរ៍ ដោយសារតែការអភិវឌ្ឍអាវុធនុយក្លេអ៊ែររបស់ប្រទេសកូរ៉េខាងជើង និងដោយសារតែការអះអាងរបស់សហរដ្ឋអាមេរិកដែលថា សុវត្ថិភាពរបស់ក្រុមអ្នកស្វែងរកដែលរដ្ឋាភិបាលអាមេរិកបានបញ្ជូនទៅនៅក្នុងអំឡុងពេលលោក George W. Bush ធ្វើជាប្រធានាធិបតី មិនត្រូវបានគេធានាឲ្យបានគ្រប់គ្រាន់នោះទេ៕
សូយន