Justin Trudeau ត្រូវបង់ប្រាក់ពិន័យ ៧៥ដុល្លារ ព្រោះតែមិនបានរាយការណ៍ពីវ៉ែនតាខ្មៅពីរ ត្រូវបានមេដឹកនាំខេត្ត Wade Maclauchlan កាដូឲ្យ និងអភិបាលកោះព្រះអង្គម្ចាស់ Edward ដែលជាកោះមួយរបស់កាណាដា បានកាដូឲ្យនាយករដ្ឋមន្ត្រី Justin Trudeau នូវវ៉ែនតាខ្មៅចំនួនពីរ ពេលដែលលោកទៅទស្សនកិច្ចនៅតំបន់នោះ ។
នាយករដ្ឋមន្ត្រីកាណាដា Justin Trudeau
តាម Global News វ៉ែនតានេះមានតម្លៃប្រមាណ ៣០០ដុល្លារកាណាដា (ប្រហែល 225USD) ។
តាមច្បាប់ប្រឆាំងជម្លោះផលប្រយោជន៍កាណាដា នោះរាល់កាដូអ្វីក៏ដោយដែលមានតម្លៃលើសពី 200 ដុល្លារកាណាដា គឺត្រូវរាយការណ៍ក្នុងរង្វង់ ៣០ថ្ងៃ ចាប់ពីពេលដែលមេដឹកនាំ ទទួលបានកាដូ ។
ការិយាល័យទទួលបន្ទុកបញ្ហាជម្លោះការិយាល័យ និងសីលធម៌បានបង់ប្រាក់ពិន័យនេះរួចហើយ ហើយបើតាមលេខាសាព័ត៌មានរបស់នាយករដ្ឋមន្ត្រី Trudeau ឲ្យដឹងថា បញ្ហាបណ្តាលមកពីកំហុសរដ្ឋបាលធ្វើឲ្យលិខិតនេះពុំត្រូវបានរាយការណ៍ជូនមុនកាលបរិច្ឆេទកំណត់ ៣០ថ្ងៃ ៕ សូយន