គ្រាន់តែជួលបានរថយន្តភ្លាមស្ត្រីចិនរូបនេះបានបើកបរក្នុងល្បឿន រួចបុកចំរបាំងចែកផ្លូវ បង្កឲ្យចរាចរណ៍កកស្ទះរីឯរថយន្តនោះវិញត្រូវខ្ទេចផ្នែកខាងមុខ ។
តាមរយៈកាមេរ៉ាគមនាគមន៍នៅ ទីក្រុងវេនលិញខេត្តចឺជាំង បានថតនូវទិដ្ឋភាពមួយនូវរថយន្តបើកបុករនាំងបាំងផ្លូវ ក្រោយពេលជួលរថយន្តមិនបានប៉ុន្មាននាទីផត នេះបើតាម Next Shark ចុះផ្សាយ ។
រថយន្ត BMW ដែលនៅម្ខាងផ្លូវ ហើយរងការប៉ះទង្គិចក៏បានជ្រុលទៅបុករថយន្ត Nissan មួយគ្រឿងទៀត ធ្វើឲ្យចរាចរណ៍នៅតំបន់នោះពិតជាច្របូកច្របល់ ។
នេះជារូបភាពដែលស្ត្រីបង្កគ្រោះថ្នាក់បានថតរថយន្តមុនពេលបើកចេញទៅ ។
ក្រោយពីបង្កគ្រោះថ្នាក់គេឃើញស្ត្រីរូបនេះ និងមនុស្សម្នាក់ទៀតដែលរួមដំណើរ ពុំរងរបួសធ្ងន់ធ្ងរឡើយ ហើយត្រូវបានប៉ូលិសឃាត់ខ្លួន បម្រើឲ្យការស៊ើបអង្កេត ។ ចំណាយជួសជុលកំពូលរថយន្តមួយគ្រឿងនេះ តាមអ្នកឯកទេសគឺមិនក្រោម ៣០០.០០០ដុល្លារឡើយ ពោលគឺស្មើនឹងតម្លៃរថយន្តថ្មីពាក់កណ្តាលឯណោះ ៕