នេះជារឿងដ៏គួរឲ្យភ្ញាក់ផ្អើលជាខ្លាំង នៅពេលដែលកងទ័ពថៃ នៅព្រឹកថ្ងៃចន្ទនេះ បានរារាំងសកម្មភាពប៉ុនប៉ងរត់ពន្ធកម្មករមីយ៉ាន់ម៉ាចំនួន ៤០ នាក់ ពីព្រំដែន Ranong ទៅកាន់ខេត្ត Chumphon និងចាប់ខ្លួនអ្នកបើកបរចំនួន៣នាក់ ។
កងទ័ពមកពីកងវរសេនាតូចថ្មើរជើងទី២៥ បានគ្រប់គ្រងបញ្ឈប់រថយន្ត៣គ្រឿង ដែលផ្ទុកជនអន្តោប្រវេសន៍គ្មានឯកសារត្រឹមត្រូវ បន្ទាប់ពីត្រូវបានជូនដំណឹងដោយអ្នកភូមិដែលបានប្រទះឃើញរថយន្តទាំងនេះ ស្ថិតនៅលើដងផ្លូវដាច់ស្រយាលមួយឆ្ពោះទៅកាន់ខេត្ត Chumphon ។
កងទ័ពបានចាប់ខ្លួនបុរសមីយ៉ាន់ម៉ាចំនួន ៣៤ នាក់, ស្ត្រី ៦ នាក់ និងព្រមទាំងអ្នកបើកបរ ដែលម្នាក់មកជាជនជាតិថៃ និង២នាក់ទៀត ជាជនជាតិមីយ៉ាន់ម៉ា ។
បុរស៣នាក់ដែលជាតៃកុងឡាន បានសារភាពថា ពួកគេម្នាក់ៗបានបង់លុយចំនួន ២ពាន់បាត ដើម្បីដឹកជនអន្តោប្រវេសន៍ទាំងនេះ ពីព្រំដែនជិត Koh Song របស់មីយ៉ាន់ម៉ា ។ តាមគ្រោងការណ៍ ជនអន្តោប្រវេសន៍ទាំងនោះ នឹងត្រូវនាំយកទៅកាន់ខេត្ត Chumphon ទីកន្លែងដែលពួកគេនឹងត្រូវប្រគល់ឲ្យក្រុមដទៃទៀត ដែលនឹងព្យាយាមរត់ពន្ធពួកគេទៅកាន់ប្រទេសម៉ាឡេស៊ី ។
តាមរយៈរូបភាពបានបង្ហាញឲ្យឃើញបុរសមីយ៉ាន់ម៉ាទាំងនោះ ដេកនៅក្នុងទ្រុងរថយន្ត ដោយគ្រប់បិទបាំងជាមួយសាក់កាដូ និងភួយ ប្រៀបបីដូចសត្វធាត់អីចឹង ។
អ្នកបើកបររថយន្តទាំងនោះ ក្រោយមក ត្រូវបានប្រគល់ទៅឲ្យការិយាល័យអន្តោប្រវេសន៍ Ranong ដើម្បីសាកសួរ មុនពេលបញ្ជូនខ្លួនកម្មកររត់ពន្ធទាំងនោះ ទៅកាន់ប្រទេសរបស់ពួកគេវិញ ៕ ចន្ទី