ឆ្នាំជូត ៖ ការងារ មិនត្រូវលូកដៃចូលជ្រៅក្នុងកិច្ចការអ្នកដទៃ គួរបង្កើតទំនាក់ទំនងល្អជាមួយអ្នករួមការងារ ដើម្បីជាប្រយោជន៍សម្រាប់ការឈានឡើងក្នុងអាជីពរបស់អ្នក ។ លុយកាក់ ជាថ្ងៃមានទាំងដំណឹងល្អ និងអាក្រក់អំពីលុយកាក់ គួរប្រយ័ត្នចាញ់បោកជនខិលខូច ។ មនោសញ្ចេតនាមិនល្អកើតមានការឈ្លោះប្រកែកគ្នា ។
ឆ្នាំឆ្លូវ ៖ ការងារ អំណោយផលល្អ ការចរចាសហការជំនួញសម្រេចបានជោគជ័យ ។ លុយកាក់មានឱកាសបង្កើនចំណូលថែម ។ មនោសញ្ចេតនា អាចបានជួបមនុស្សក្នុងសុបិន្ត។
ឆ្នាំខាល ៖ ការងារ មិនសូវល្អ គួរមានផែនការឲ្យល្អិតល្អន់ ច្បាស់លាស់ ។ លុយកាក់ ល្អប្រសើរ តែមិនត្រូវអន្ទះសាក្នុងការវិនិយោគរកចំណេញ ។ មនោសញ្ចេតនា ល្អធម្មតា ពុំកើតមានរឿងអ្វីក្រៅបំណង ។
ឆ្នាំថោះ ៖ ការងារ ទោះបីជួបរឿងរំខានចិត្តមួយចំនួន តែចុងក្រោយរាល់បញ្ហាសុទ្ធតែត្រូវបានដោះស្រាយរួច ។ លុយកាក់ មានអ្នកជួយយកអាសា ជ្រោមជ្រែងបញ្ហាលុយកាក់ ។ មនោសញ្ចេតនា គួរមានពេលវេលាឲ្យបានច្រើនជាងមុនសម្រាប់រឿងមនោសញ្ចេតនា ដើម្បីបញ្ចៀសភាពប្រេះស្រាំ ។
ឆ្នាំរោង ៖ ការងារ ត្រូវបង្កើនវេន ឬត្រូវចាត់ទៅបេសកកម្ម ។ លុយកាក់ ថ្ងៃនេះមានរឿងត្រូវចំណាយច្រើន ប្រយ័ត្នក្នុងការគ្រប់គ្រងប្រាក់កាសបញ្ចៀសត្រូវចាញ់បោកគេ ។ មនោសញ្ចេតនា ងាយកើតមានទំនាស់ថ្នាំងថ្នាក់ចិត្តគ្នា ។
ឆ្នាំម្សាញ់ ៖ ការងារ ល្អបំផុត សម្រេចបានស្នាដៃឆ្នើម ត្រូវបានថ្នាក់លើសរសើរ តែកុំក្រអើតក្រទមទើបសំណាងល្អមិនទៅឆ្ងាយពីអ្នក ។ លុយកាក់ អាចបានទទួលប្រាក់រង្វាន់ ឬចាប់ឆ្នោតត្រូវរង្វាន់ ។ មនោសញ្ចេតនា មិនល្អ ងាយកើតមានការឈ្លោះប្រកែកខ្វែងគំនិតគ្នាអំពីបញ្ហាមនោសញ្ចេតនា ។
ឆ្នាំមមី ៖ ការងារ មិនល្អ មានកំហុសឆ្គងច្រើន និងជួបឧបសគ្គច្រើន ត្រូវប្រយ័ត្នក្នុងការនិយាយស្តី ។ លុយកាក់ មិនត្រូវយកចិត្តទុកដាក់ច្រើនពេកទៅក្នុងរឿងអ្នកដទៃដែលនាំឲ្យខូចប្រយោជន៍ខាងប្រាក់កាស ។ មនោសញ្ចេតនា ជាថ្ងៃមិនល្អ ងាយកើតមានការយល់ច្រឡំគ្នា ។
ឆ្នាំមមែ ៖ ការងារ គ្រប់យ៉ាងប្រព្រឹត្តទៅដោយរលូន ត្រូវបានអ្នកនៅជុំវិញជួយគាំទ្រ ។ លុយកាក់ មិនស្ថិរភាព គួរចៀសវាងការខ្ចីបុលប្រាក់អ្នកដទៃ ។ មនោសញ្ចេតនា គួរមានសម្តីផ្អែមល្ហែម និងរ៉ូមែនទិកជាមួយគូស្នេហ៍កុំឲ្យស្នេហាសាបរលាប ។
ឆ្នាំវក ៖ ការងារ ត្រូវប្រឹងប្រែងជាងមុនទៀត ទើបត្រូវបានថ្នាក់លើទទួលស្គាល់ និងវាយតម្លៃខ្ពស់ចំពោះអ្នក ។ លុយកាក់ ជាថ្ងៃដើរឆ្ងាយទើបមានឱកាសរកលាភបាន ។ មនោសញ្ចេតនា ផ្លូវចិត្តមិនល្អ ឥទ្ធិពលអាក្រក់ដល់រឿងមនោសញ្ចេតនា ។
ឆ្នាំរកា ៖ ការងារ ស្ថិរភាព មិនកើតមានរឿងអ្វីគួរឲ្យបារម្ភខ្វាយខ្វល់ ។ លុយកាក់ ត្រូវថ្លឹងថ្លែងឲ្យម៉ត់ចត់ពេលទិញរបស់បញ្ចៀសត្រូវខ្ជះខ្ជាយប្រាក់មិនទំនង ។ មនោសញ្ចេតនា គួរថែរក្សាចំណងស្នេហ៍បច្ចុប្បន្នឲ្យបានរឹងមាំដោយការចេះសណ្តោសអធ្យាស្រ័យឲ្យគ្នា ។
ឆ្នាំចរ ៖ ការងារ មិនត្រូវប្រឹងប្រែងធ្វើការហួសកម្លាំង គួរមានពេលវេលាសម្រាករក្សាសុខភាព ។ មនោសញ្ចេតនា ល្អប្រសើរ តែក៏គួរប្រយ័ត្នមានជនខិលខូចចង់កេងប្រវ័ញ្ចប្រាក់កាសអ្នក ។ មនោសញ្ចេតនា គួរបើកចិត្តឲ្យចិត្តឲ្យទូលាយក្នុងបញ្ហាមនោសញ្ចេតនា កុំតឹងតែងជ្រុល ។
ឆ្នាំកុរ ៖ ការងារ មិនល្អ ត្រូវក្លាហាន ប្រឈមមុខនឹងការលំបាក មិនគួរគេចវេសបញ្ហា ។ លុយកាក់ ត្រូវសួរយោបល់អ្នកមានបទពិសោធន៍ក្នុងវិស័យវិនិយោគទុន នឹងសម្រេចចិត្តបោះទុនរកស៊ី ។ មនោសញ្ចេតនា មិនត្រូវប្រើសម្តីធ្ងន់ធ្ងរចំពោះគូស្នេហ៍ ដែលនឹងធ្វើឲ្យទំនាក់ទំនងឈានទៅបែកបាក់ ៕
