នៅថ្ងៃទី២៥មិថុនា ប្រព័ន្ធព័ត៌មានផ្លូវការកូរ៉េខាងជើង KCNA បានចុះផ្សាយថា ពួកគេនឹងមិនបង្ហាញសុច្ឆន្ទៈជាមួយជប៉ុនរហូតដល់ពេលក្រុងតូក្យូផ្អាកសកម្មភាពធ្វើសមយុទ្ធយោធាទ្រង់ទ្រាយធំសំដៅមកលើកូរ៉េខាងជើង។ ប៉ុន្ដែ KCNA បាននិយាយដល់ពីពលរដ្ឋជប៉ុនដែលត្រូវចាប់ជំរិត ហើយមុននោះជប៉ុនបានបង្ហាញបំណងចរចាររឿងនេះជាមួយកូរ៉េខាងជើង។
មេដឹកនាំកូរ៉ខាងជើង Kim Jong-un និងនាយករដ្ឋមន្ដ្រីជប៉ុន Shinzo Abe
កាលពីឆ្នាំ២០០២ កូរ៉េខាងជើងបានទទួលស្គាល់ថា ពួកគេបានចាប់ជំរិតពលរដ្ឋជប៉ុន១៣នាក់នៅអំឡុងទសវត្សទី៧០និង៨០ នៃសតវត្សរ៍មុន ក្នុងនោះមាន៥នាក់បានត្រូវឱ្យវិលត្រឡប់ទៅជប៉ុនវិញ។
ជប៉ុនកំពុងសង្ឃឹមថានឹងមានជំនួបកំពូលជាមួយមេដឹកនាំ គីមជុងអ៊ុន ដែលក្នុងនោះក៏នឹងដើម្បីដោះស្រាយបញ្ហាពលរដ្ឋជប៉ុនដែលត្រូវចាប់ជំរិតទាំងនេះ។
នាយករដ្ឋមន្ដ្រីអាបេ តែងសង្កត់ធ្ងន់ថា ជំនួបកំពូលជប៉ុននិងកូរ៉េខាងជើងគឺជាជំហានដំបូងដើម្បីឆ្ពោះទៅរកគោលដៅរំសាយនុយក្លេអ៊ែរ ហើយថាក្រុងវ៉ាស៊ីនតោនចាំបាច់ត្រូវរក្សាស្មាតីប្រុងប្រយ័ត្នរហូតដល់ពេលដែលក្រុងព្យុងយ៉ាងបង្ហាញឱ្យឃើញនូវបញ្ហារំសាយនុយក្លេអ៊ែរ៕
សូយន
