សុនកមួយក្បាលដែលពិតជាស្មោះស្ម័គ្រនឹងម្ចាស់បាននាំផ្លូវក្រុមសង្គ្រោះទៅកាន់ផ្ទះមួយដែលមានមនុស្ស ៨នាក់ បានស្លាប់ក្នុង ករណីផ្ទុះកម្អែរភ្នំភ្លើង Volcan de Fuego នៅ Guatemala ។
ឆ្កែមួយក្បាលនេះបាននាំផ្លូវក្រុមសង្គ្រោះទៅកាន់ផ្ទះដែលមានសាកសពរបស់ម្ចាស់វា.
តាម Exprees ដែលដកស្រង់ព័ត៌មានពីហ្វេសបុកឲ្យដឹងថា សុនកដែលមានពណ៌សលាយខ្មៅមួយក្បាលនេះ បានទាក់ទាញអារម្មណ៍ក្រុមអ្នកសង្គ្រោះរួចបោលនាំផ្លូវពួកគេទៅកាន់ផ្ទះរបស់ម្ចាស់វា ដែលត្រូវបានកម្អែរភ្នំភ្លើងកប់ នាភូមិ SanJamie ស្ថិតនៅកៀកក្បែរភ្នំភ្លើង Volcan de Fuego ដែលស្ថិតនៅចំកណ្តាលនៃប្រទេស Guatemala ។
គណនីហ្វេសបុក ដែលបង្ហោះរឿងនេះបានឲ្យដឹងថា ៖ “សុនកមួយក្បាលនេះបាននាំផ្លូវភ្នាក់ងារសង្គ្រោះទៅដល់ផ្ទះមួយ។ នៅក្នុងផ្ទះនេះពួកគេរកឃើញសាកសពមនុស្ស ៨នាក់ ។ សុនកមួយក្បាលនេះ បានបង្ហាញការកើតទុក្ខឥតគណនា ហើយសំឡឹងមើលគេលើកសាកសពម្ចាស់វាដោយពុំប៉ប្រិចភ្នែក”។
ភ្នំភ្លើងបង្ហូរកម្អែរ ៕ សូយន
