ស្វាយរៀង៖ បុរសជនជាតិជប៉ុនម្នាក់ដែលមានតួនាទីជានាយករងរោងចក្រTAKISADAព្រៃផ្តៅក្រុងបាវិតបានស្លាប់ដោយសារមានជម្ងឺប្រចាំកាយនៅក្នុងសណ្ឋាគារការស៊ីណូហ្គូឌេនហ្គាឡាក់ស៊ីកាលថ្ងៃទី២៥ខែមិថុនា ឆ្នាំ២០១៨ម្សិលមិញនេះ។
មន្ត្រីនគរបាលក្រុងបាវិតបានឲ្យដឹងថា ៈក្រោយពីទទួលបានព័ត៌មានពីបុគ្គលិកកាស៊ីណូហ្គូឌេនហ្គាឡាក់ស៊ីរាយការណ៍មកថានៅជាន់ទី០៩បន្ទប់លេខ៩២៣នៃសណ្ឋាគារកាស៊ីណូហ្គូឌេនហ្គាឡាក់ស៊ីស្ថិតនៅភូមិបាវិតកណ្ដាល សង្កាត់បាវិត ក្រុងបាវិត ខេត្តស្វាយរៀង មានជនបរទេសម្នាក់បានស្លាប់។ក្រោយពេលទទួលព័ត៌សមត្ថកិច្ចផែនអន្តោរប្រវេសន៍បានសហការជាមួយអធិការដ្ឋាននគរបាលក្រុងបាវិត, ប៉ុស្ដិ៍នគរបាលរដ្ឋបាលសង្កាត់បាវិត , ការិ-បច្ចេកទេសនិងវិទ្យាសាស្ត្រ,ការិយាល័យ-ព្រហ្មទណ្ឌខេត្ត,បញ្ជាការដ្ឋានកងរាជអាវុធហត្ថក្រុងបាវិត លោក ធី សុភត្រា គ្រូពេទ្យនៅមន្ទីរពេទ្យ បង្អែកជីភូ និងដោយមានការសម្របសម្រួលពីលោក ផាន់ រតនា ព្រះរាជអាជ្ញារងនៃសា លាដំបូងខេត្តស្វាយរៀងនៅម៉ោង១១និង៣០នាទី សមត្ថកិច្ចបានធ្វើការត្រួតពិនិត្យសាកសព។
ប្រភពដដែលបន្តថាជនរងគ្រោះឈ្មោះOZEKI HIROYUKIភេទប្រុស អាយុ៦៩ឆ្នាំ (ជនជាតិជប៉ុន) មុខរបរនាយករងរោងចក្រTAKISADA(ព្រៃផ្ដៅ)បានមកជួលបន្ទប់ខាងលើស្នាក់នៅ។ក្រោយពេលសមត្ថកិច្ច និងគ្រូពេទ្យពិនិត្យសាកសពរួចបានសន្និដ្ឋានថាៈសពស្លាប់នៅវេលាម៉ោងប្រហែល០៤ទៀបភ្លឺដោយសារជំងឺ(ខ្យល់គរ)។
បច្ចុប្បន្នដោយមានការឯកភាពលោក ផាន រតនា ព្រះរាជអាជ្ញារងនៃសាលាដំបូងខេត្តសាកសពត្រូវបានក្រុមហ៊ុនជួលរថយន្ដដឹកយកទៅរក្សាទុកនៅភ្នំពេញរង់ចាំក្រុមគ្រួសារមកទទួលយកទៅធ្វើបុណ្យតាមប្រពៃណីនៅប្រទេសជប៉ុន ៕ វ៉ៃកូ