ភ្នំពេញ៖ គ្រឿងញៀន ចំនួន៦៤,១៩១ក្រាម តម្លៃប្រមាណជា២លានដុល្លារ ត្រូវដុតបំផ្លាញចោល នៅថ្ងៃទី២៦ ខែមិថុនា ឆ្នាំ២០១៨នេះនៅមជ្ឍមណ្ឌលកោះពេជ្រ ក្នុងឱកាសវិវាអន្តរជាតិប្រយុទ្ធប្រឆាំងគ្រឿងញៀន។ វិវាអន្តរជាតិប្រយុទ្ធប្រឆាំងគ្រឿងញៀន ក្រោមប្រធានបទ “ចូលរួមទាំងអស់គ្នា ដើម្បីជីវិត និងសហគមន៍គ្មនគ្រឿងញៀន” បានធ្វើឡើងក្រោមអធិបតី នាយឧត្ដមសេនីយ៍ កែ គឹមយ៉ាន ឧបនាយករដ្ឋមន្ដ្រី ប្រធានអាជ្ញាធរជាតិប្រយុទ្ធប្រឆាំងគ្រឿងញៀន ។
នាយឧត្ដមសេនីយ៍ កែ គឹមយ៉ាន បានអំពាវនាវគ្រប់អាជ្ញាធរមូលដ្ឋាន គ្រឹះស្ថានសិក្សា និងប្រជាពលរដ្ឋព្រមទាំងប្រជាពលរដ្ឋ ស្ថាប័នអង្គភាពពាក់ព័ន្ធ វិស័យឯកជន សាសនា បន្តយកចិត្តទុកដាក់ ដើម្បីបន្តរក្សាការពារ ជីវភាពរស់នៅដ៏សុខសាន្តរបស់ប្រជាពលរដ្ឋមានសន្តិភាព ស្ថេរភាព ការអភិវឌ្ឍ របស់ប្រទេសជាតិយើង យើងត្រូវចូលរួមទប់ស្កាត់គ្រឿងញៀននៅតាមសហគមន៏ឲ្យបានល្អប្រសើរដើម្បីសង្គម ប្រទេសជាតិចាកផុតពីក្តីវិនាស បំផ្លាញដោយសាគ្រឿងញៀន។
នាយឧត្តមសេនីយ៍ កែ គឹមយ៉ាន ឧបនាយករដ្ឋមន្ត្រី ប្រធានអាជ្ញាធរជាតិប្រយុទ្ធប្រឆាំងគ្រឿងញៀន មានប្រសាសន៍ថា ជារៀងរាល់ឆ្នាំថ្ងៃទី២៦មិថុនា ជាថ្ងៃដែលមហាសន្និបាទអង្គការសហប្រជាតិឆ្នាំ១៩៨៧ សម្រេចកំណត់យកសម្រាប់ប្រារព្ធទិវាអន្តរជាតិប្រយុទ្ធប្រឆាំងគ្រឿងញៀន ក្រោមប្រធានបទផ្សេងៗ ដើម្បី ដាស់តឿន និងក្រើនរំលឹកដល់ជនគ្រប់រូបឲ្យយល់ដឹងពីផលបះពាល់ និងគ្រោះថ្នាក់នានា ដែលមានពាក់ព័ន្ធនឹងគ្រឿងញៀន និងបំផុលស្មារតី ក៏ដូចអំពាវនាវឲ្យយកចិត្តទុកដាក់នឹងចូលរួមយ៉ាងសកម្មថែមទៀត ក្នុងគ្រប់សកម្មភាពដែលគាំទ្រដល់ការប្រយុទ្ធប្រឆាំងគ្រឿងញៀន ទាំងដោយផ្ទាល់និងប្រយោល។ ដូច្នេះ ក្នុងនាមប្រទេសសមាជិកអង្គការសហប្រជាតិ កម្ពុជា បានចូលរួម និងគាំទ្រយ៉ាងពេញទំហឹងគ្រប់យុន្តការនិងសកម្មភាព ទាំងក្នុងក្របខ័ណ្ឌជាតិ អនុតំបន់ តំបន់ និងអន្តរជាតិ ។លោកនាយតឧត្តមសេនីយ៍ បានបន្តថា ការប្រារព្ធទិវាដ៏មានអត្ថន័យថ្ងៃនេះ គឺការបង្ហាញឲ្យឃើញកាន់តែច្បាស់ ពីឆន្ទៈដ៏មោះមុត និងការប្តេជ្ញាចិត្តខ្ពស់របស់រដ្ឋាភិបាលកម្ពុជា ក្រោមដឹកនាំរបស់សម្តេចអគ្គសេនាបតីតេជោ ហ៊ុន សែន នាយករដ្ឋមន្ត្រី បានតស៊ូយ៉ាងប្តូរផ្តាច់ បង្ការទប់ស្កាត់ និងបង្ក្រាប់ឲ្យខានតែបាន នូវរាល់បញ្ហា ក៏ដូចជាបទល្មើសដែលមានការពាក់ព័ន្ធនឹងគ្រឿងញៀន ។
លោកមាន ចាន់យ៉ាដា អភិបាលរងសាលារាជធានីភ្នំពេញ តំណាងដ៏ខ្ពង់ខ្ពស់លោកឃួង ស្រេង អភិបាល នៃគណៈអភិបាលរាជធានីភ្នំពេញ បានមានប្រសាសន៍ថា “ផែនការយុទ្ធសាស្ត្រពហុវិស័យ របស់អាជ្ញាអរជាតិ ប្រយុទ្ធប្រឆាំងគ្រឿងញៀន គឺយើងបានធ្វើការផ្សព្វផ្សាយអប់រំ ដល់ប្រជាពលរដ្ឋទូទៅបានចំនួន ៩.៦៤០.០២១នាក់ ដើម្បីបង្ការ និងទប់ស្កាត់ការប្រើប្រាស់គ្រឿងញៀន ក៏ដូចជាដើម្បីឲ្យមានការភ្ញាក់រំលឹកបញ្ជូនកូនចៅ ដែលប្រើប្រាស់គ្រឿងញៀន ទៅរកសេវាព្យាបាល និងស្តារនីតិសម្បទា ឲ្យបានទាន់ពេលវេលា ។ បានរកឃើញ និងកត់ត្រាចំនួនអ្នកប្រើគ្រឿងញៀន ចំនួន ១៨.១០៤នាក់ ដែលចំនួននេះមានការថយចុះ ប្រមាណ ១២,២០% បើប្រៀបធៀបទៅនឹងឆ្នាំកន្លងទៅ ។ បានផ្តល់ការព្យាបាល និងស្តារនីតិសប្បទា ដល់អ្នកញៀនគ្រឿង ញៀន ចំនួន១៥.៧៩៦នាក់ គឺស្មើនឹង ៨៧,២៥% នៃអ្នកប្រើប្រាស់ និងអ្នកញៀនគ្រឿងញៀន ដែលយើងបានរកឃើញ ។ បានបង្ក្រាបបទល្មើស ដែលមានការពាក់ព័ន្ធ នឹងគ្រឿងញៀន ចំនួន ៨.១៧៣ ករណី ចាប់ខ្លួនជនសង្ស័យបានចំនួន ១២.៨០០នាក់ និងរឹបអូសគ្រឿងញៀនគ្រប់ប្រភេទ (រួមទាំងកញ្ជាក្រៀម) បានចំនួន ២៩៦គីឡូ និង៥២១ក្រាម ។
លោក បានបន្តថា គណៈកម្មការ និងអនុគណៈកម្មការជំនាញ ចំនួន ៩ បានចាត់ចែង ដឹកនាំ និងសម្របសម្រួល ដោយអនុវត្តក្នុងរយៈពេល ៥ខែ ដើមឆ្នាំ២០១៨ កន្លងមកនេះ សម្រេចបាននូវលទ្ធផល គួរជាទីមោទនៈ រួមមាន យើងបានធ្វើការផ្សាយអប់រំ ដល់ប្រជាពលរដ្ឋទូទៅ បានចំនួន១.៦៣៨.៤៩៤នាក់ ដើម្បីបង្ការ និងទប់ស្កាត់ការប្រើប្រាស់គ្រឿងញៀន ក៏ដូចជាដើម្បីឲ្យមានការភ្ញាក់រំលឹក បញ្ជូនកូនចៅ ដែលប្រើប្រាស់គ្រឿងញៀន ទៅរកសេវាព្យាបាល និងស្តារនីតិសម្បទា ឲ្យបានទាន់ពេលវេលា ។ បានរកឃើញ និងកត់ត្រា ចំនួនអ្នកប្រើគ្រឿងញៀន ចំនួន ៩.៣៦៤នាក់ ។ បានផ្តល់ការព្យាបាល និងស្តារនីតិសម្បទា ដល់អ្នកប្រើប្រាស់គ្រឿងញៀន ចំនួន ៧.០៥៦នាក់ គឺស្មើនឹង ៧៥,៣៥% នៃអ្នកប្រើប្រាស់ និងអ្នកញៀនគ្រឿងញៀន ដែលយើងបានរកឃើញ ។ បានបង្ក្រាបបទល្មើស ដែលមានការពាក់ព័ន្ធ នឹងគ្រឿងញៀន ចំនួន ២.៨៧០ករណី ចាប់ខ្លួនជនសង្ស័យបានចំនួន ៩៣គីឡូ ១៩៩ក្រាម ។
លោកសៀង សុខ ព្រះរាជអាជ្ញារងអមអយ្យការសាលាដំបូងរាជធានីភ្នំពេញ ដែលជាគណៈកម្មការបំផ្លាញគ្រឿងញៀន បានមានប្រសាសន៍ថា ការដុតបំផ្លាញគ្រឿងញៀន នាទិវាអន្តរជាតិ ប្រយុទ្ធប្រឆាំគ្រឿងញៀននាថ្ងៃនេះ រួមមាន វត្ថុតាងរបស់សាលាដំបូងរាជធានីភ្នំពេញ និងសាលាដំបូងខេត្តកណ្តាល ដែលគណៈកម្មការយើងខ្ញុំបានរៀបចំរួចជាស្រេច តាមលក្ខណៈ បច្ចេកទេស និងសុវត្ថិភាព នៅចំពោះមុខគណៈអធិបតី និងអង្គពិធី បានដកហូតចេញពី៖
-សំណុំរឿង ព្រហ្មទណ្ឌចំនួន ៩របស់សាលាដំបូងរាជធានីភ្នំពេញ ដែលមានគ្រឿងញៀនសរុបចំនួន ៦៣គីឡូ ៧៨៥ក្បៀស ៦៦ក្រាម ។
-សំណុំរឿង ព្រហ្មទណ្ឌចំនួន ១១០ របស់សាលាដំបូងខេត្តកណ្តាល ដែលមានគ្រឿងញៀន សរុបចំនួន ៤៣២,៥៤ក្រាម ។
-គ្រឿងញៀនសរុបដែលត្រូវដុតបំផ្លាញ នៅក្នុងអង្គពិធីនេះ មានចំនួន ៦៤គីឡូ ១៩១ក្បៀស២ក្រាម ។
លោកសៀង សុខ បានថ្លែងថាបរិមាណគ្រឿងញៀនច្រើនសន្ធឹកសន្ធាប់ខាងលើនេះ គឺពួកក្រុមឧក្រិដ្ឋជនបានយកគ្រឿងញៀន ធ្វើជាមុខរបរជំនួនរបស់ពួកគេ ហើយគ្រឿងញៀននេះបានពង្វក់ស្មារតី អូសទាញដល់ជនស្លូតត្រង់ ដែលបានប្រើប្រាស់ ដោយខុសច្បាប់ ជាពិសេសក្នុងស្រទាប់យុវវ័យបណ្តាលឲ្យខូចសុខភាព និងហ៊ានប្រព្រឹត្តបទល្មើសដូចជា អំពើឃាតកម្ម ចាប់ជំរិត រំលោភសេពសន្ថវៈ លួច ឆក់ ប្លន់ ទ្រព្យសម្បត្តិ ក្រុមបងតូចបងធំ អំពើហិង្សាក្នុងគ្រួសារ បង្កភាពអសន្តិសុខ និងធ្វើឲ្យប៉ះពាល់ដល់សណ្តាប់ធ្នាប់សាធារណៈ និងរបៀបរៀបរយជាច្រើនក្នុងសង្គមជាតិ។ ចំណែកសមត្ថកិច្ចរបស់យើង ទាំងមន្ត្រីនគរបាល មន្ត្រីកងរាជអាវុធហត្ថ អាជ្ញាធរមូលដ្ឋានព្រមទាំងអយ្យការ តុលាការ មិនយោគយល់ ឬអត់ឱនឲ្យជនទាំងឡាយណា ដែលបានប្រព្រឹត្តបទល្មើសទាំងអស់នេះ តុលាការ និងផ្តន្ទាទោសជនល្មើសយ៉ាងម៉ឺងម៉ាត់ តាមបញ្ញត្តិច្បាប់ជាធរមាន។
លោកបានបន្តថា កាលពីថ្ងៃទី២៦ ខែមិថុនា ឆ្នាំ២០១៧ គណៈកម្មការធ្លាប់បានធ្វើការដុតបំផ្លាញ គ្រឿងញៀន អស់មួយចំនួនធំវត្ថុតាងគ្រឿងញៀនដ៏ច្រើន ដែលនឹងត្រូវដុតបំផ្លាញក្នុងពេលនេះ គឺជាទ្ធផលដែលសមត្ថកិច្ច បានបង្ក្រាប និងចាប់យកនៅក្នុងឆ្នាំ២០១៧ ហើយក៏ជាលទ្ធផល នៃការអនុវត្ត ផែនការស្តីពី យុទ្ធនាការប្រយុទ្ធប្រឆាំងគ្រឿងញៀន ខុសច្បាប់ លើកទី២ និងទី៣ ឆ្នាំ២០១៨ របស់រាជរដ្ឋាភិបាល ដែលបានដាក់ចេញ ហើយសកម្មភាពទាំងអស់នេះ គឺជាព្រឹត្តិការណ៍ ដ៏ធំលើកទី៣ ដែលបង្ហាញ ឲ្យសាធារណជន និងប្រជាពលរដ្ឋ បានឃើញថា សមត្ថកិច្ចបានធ្វើការដុតបំផ្លាញ វត្ថុតាងជាច្រើន ដែលបានបង្ក្រាបបាន នាពេលកន្លងមក ។
លោកបានបញ្ជាក់ថា “មានមាតិជាច្រើនបានលើកឡើងថា សមត្ថកិច្ច បង្ក្រាបបទល្មើសគ្រឿងញៀន បានហើយមិនដឹងជាយកទៅណា? នេះគឺជាសាឆ្លើយតប និងជាសកម្មភាព ដែលបង្ហាញឲ្យឃើញវត្ថុតាងគ្រឿងញៀន ដែលបង្កហានិភ័យ និងភាពអន្តរាយ ត្រូវបានដុតបំផ្លាញចោលនាំឱកាសតិវាគ្រឿងញៀនអន្តរជាតិលើកទី១៩ ថ្ងៃទី២៦ ខែមិថុនា ឆ្នាំ២០១៨នេះ ។
បរិមាណគ្រឿងញៀនដ៏ច្រើននេះ ប្រសិនបើយើងបង្ក្រាបមិនទាន់ពេលនោះ វាបង្ករផលប៉ះពាល់ ដល់សុភាពប្រជាពលរដ្ឋជាបិសេសក្នុងស្រទាប់យុវវ័យ រាប់ពាន់នាក់ហើយបើគិតជាទឹកប្រាក់ មានប្រមាណជាង ២លានដុល្លារអាមេរិក” ៕ ដោយ៖កូឡាប
