កសិករវ័យចំណាយម្នាក់អង្គុយលក់ផលដំណាំនៅពីមុខមាត់ច្រកចូលក្រុមហ៊ុនមួយ ។ ផ្ទៃមុខរបស់គាត់ឡើងជ្រីវជ្រួញ និងក្រហមព្រោះត្រូវកំដៅថ្ងៃ ។
រថយន្តទំនើបមួយគ្រឿងបើកមកឈប់នៅពីមុខគាត់ យុវជនម្នាក់ដើរចេញពីក្នុងរថយន្តសំដៅមកហាក់ចង់ទិញផ្លែឈើ ។ ប៉ុន្តែពេលរើសផ្លែឈើរួច យុវជននោះហាក់បង្ហាញអាកប្បកិរិយាមាក់ងាយមិនចង់ឲ្យលុយគ្រប់ ។
តាមពិតទៅយុវជននេះជានាយករងក្រុមហ៊ុន ហើយប្រហែលគិតថា កសិករចំណាស់រូបនេះអង្គុយលក់របស់នៅមុខក្រុមហ៊ុនរបស់ខ្លួនចាប់បាច់ត្រូវតែរណបយកចិត្តខ្លួន ។ ប៉ុន្តែកសិករវ័យចំណាស់មិនយល់ព្រមធ្វើឲ្យយុវជននេះផ្ទុះកំហឹងបោកផ្លែឈើរបស់គាត់ចុះទៅលើដី ។
ប្រហែលជាថ្ងៃអន្សារបស់យុវជននេះហើយ គេឃើញនារីម្នាក់បានដើរចេញមកពីក្នុងក្រុមហ៊ុន ហើយបានមើលឃើញសកម្មភាពទាំងនោះ ។ ចំណែកយុវជនរូបនេះពេលឃើញនារីនោះភ្លាម ស្រាប់តែប្តូរអាកប្បកិរិយាឱនលំទោន អែបអប…។
នារីរូបនោះគឺជាប្រធានរបស់ក្រុមហ៊ុន នាងបានស្ទុះទៅចាប់ដៃអង្អែលខ្នងកសិករវ័យចំណាស់រួចងាកមកប្រាប់យុវជននោះយ៉ាងខ្លីថា ៖ “លោកអាចឈប់សម្រាកពីការងារចាប់ពីថ្ងៃស្អែកទៅ!” និយាយចប់ នារីរូបនេះនិយាយទៅកសិករនោះថា របស់លោកប៉ុន្មានខ្ញុំទិញយកទាំងអស់! ៕ លីសា