ថ្ងៃនេះ កំពូលតារាសម្ដែងអម្ព ទេវី បានធ្វើឱ្យមហាជនជាច្រើនទាំងក្នុងនិង ក្រៅប្រទេសរំភើបចិត្តជាខ្លាំង ខណៈដែលបានឃើញនូវទង្វើសប្បុរសដ៏ប្រសើររបស់អ្នកស្រី ដែលបានយកចិត្តទុកដាក់ជាមួយក្មេងកំសត់ ៣នាក់ កំពុងស្រេកឃ្លាន ។
យោងតាមការបង្ហោះរបស់ អ្នកនាង អម្ពរ ទេវី បានឱ្យដឹងថា ខណៈដែលអ្នកនាងធ្វើដំណើរកម្សាន្តទៅកាន់ក្រុងបាត់ដំបង អ្នកនាងបានជួបនឹងក្មេងមួយក្រុមកំពុងដេកដោយក្ដីអត់ឃ្លាន នៅលើផ្លូវ ១១៥ ហើយដោយក្ដីអាណិតអាសូរជាពន់ពេក អ្នកនាងក៏បានសម្រេចចិត្តយកក្មេងទាំងនោះ មកផ្ដល់ចំណីអាហារឱ្យពួកគេ ។
សម្រាប់ទង្វើដ៏ល្អរបស់អ្នកនាង អម្ពរ ទេវី បានធ្វើឱ្យអ្នកគាំទ្ររំភើបចិត្តជាពន់ពេក ព្រមទាំងសរសើរមិនដាច់ពីមាត់ឡើយ ៕ សាវុធ