ជារឿងដ៏គួរឱ្យភ្ញាក់ផ្អើលបំផុតមួយ បន្ទាប់ពីទ្រង់ ស៊ីសុវត្ថិ សិរីវុឌ ដែលជាតួអង្គលោកគ្រូស្បែកគង់ក្នុងរឿង «ស្បែកគង់» បានប្រកាសរកម្ចាស់ខ្សែកមាសទម្ងន់ ៣តម្លឹង តាមរយៈគណនីហ្វេសប៊ុក ក្រោយពេលព្រះអង្គម្ចាស់រើសបាន ខណៈពេលកំពុងហាត់ប្រាណ ។
យោងតាមគណនីហ្វេសប៊ុករបស់ ទ្រង់ ស៊ីសុវត្ថិ សិរីវុឌ បានឱ្យដឹងយ៉ាងដូច្នេះថា «សួស្តីបងប្អូន ខ្ញុំដើរហាត់ប្រាណរើសបានខ្សែកមាសមានទម្ងន់បីតម្លឹងមាស បងប្អូនណាបាត់សូមធ្វើការទំនាក់ទំនងមកខ្ញុំដែលមានទូរស័ព្ទលេខ-060 202 404» ។
គួរបញ្ជាក់ថា ទ្រង់ ស៊ីសុវត្ថិ សិរីវុឌ បានអះអាងថា បន្ទាប់ពីរើសបានខ្សែកមាសខាងលើហើយនោះ ទ្រង់ក៏បានទៅរកជាងមាសដើម្បីមើលឱ្យកាន់តែច្បាស់ថា ជាមាសសុទ្ធ ឬក្លែងក្លាយ ហើយលទ្ធផលជាងមាសនិយាយថា ជាមាសសុទ្ធទម្ងន់ ៣តម្លឹង ទើបទ្រង់បង្ហោះស្វែងរកម្ចាស់តែម្ដង ៕ សាវុធ
