ឆ្នាំជូត ៖ ការងារ អំណោយផលល្អក្នុងការសហការចរចាជំនួញ ។ លុយកាក់ មានបន្ថែមខ្ទង់ចំណូល និងទទួលបានលទ្ធផលល្អច្រើនពីការវិនិយោគ ។ មនោសញ្ចេតនា មានឱកាសបានជួបមនុស្សមានចិត្តគំនិតស៊ីសង្វាក់គ្នា ។
ឆ្នាំឆ្លូវ ៖ ការងារ ត្រូវប្រមូលផ្តុំក្នុងកិច្ចការរបស់ខ្លួន មិនត្រូវលូកដៃក្នុងរឿងអ្នកដទៃ ។ លុយកាក់ មានទាំងព័ត៌មានល្អ និងអាក្រក់អំពីរឿងលុយកាក់ ។ មនោសញ្ចេតនា មានទំនាស់ ឈ្លោះប្រកែកគ្នា ។
ឆ្នាំខាល ៖ ការងារ គួរអញ្ជើញមិត្តរួមការងារទៅទទួលទានបាយមួយពេលជុំគ្នាដើម្បីបង្កើតទំនាក់ទំនងល្អ ។ លុយកាក់ មានឱកាសបានឡើងប្រាក់ខែ ឡើងរង្វាន់ ។ មនោសញ្ចេតនា គួរខំថែរក្សា ការពារមនោសញ្ចេតនាសព្វថ្ងៃកុំឲ្យល្អក់កករនឹងគ្នា ។
ឆ្នាំថោះ ៖ ការងារ គួរបើកចិត្តឲ្យទូលាយ មិនត្រូវអភិរក្សជ្រុលក្នុងទំនាក់ទំនង ។ លុយកាក់ មានព័ត៌មានរីករាយច្រើនអំពីរឿងលុយកាក់ ។ មនោញ្ចេតនា គួរមានពេលវេលាឲ្យបានច្រើនជាងនេះទៀត សម្រាប់មនុស្សដែលអ្នកស្រឡាញ់ ។
ឆ្នាំរោង ៖ ការងារ មិនត្រូវអន្ទះសា ប្រញាប់ប្រញាល់ហួស ដើម្បីបញ្ចៀសជួបរឿងខកចិត្ត ។ លុយកាក់ ស្ថិរភាពមានកើនឡើងតែក៏មានខ្វះខាត ។ មនោសញ្ចេតនា ងាយកើតមានការឈ្លោះប្រកែកគ្នា ។
ឆ្នាំម្សាញ់ ៖ ការងារ អាចវិនិយោគ តែត្រូវចៀសវាងផ្នែកអចលនទ្រព្យ ។ លុយកាក់ មានបន្ថែមខ្ទង់ចំណូលពីការវិនិយោគ ។ មនោសញ្ចេតនា មិនល្អមានរឿងថ្នាំងថ្នាក់ អាក់អន់ចិត្តគ្នាដោយសារមនុស្សទី ៣ ។
ឆ្នាំមមី ៖ ការងារ គ្រប់យ៉ាងប្រព្រឹត្តទៅយ៉ាងរលូន ពុំកើតមានបញ្ហាអ្វីគួរឲ្យបារម្ភ ។ លុយកាក់ មានឱកាសកើនថែមចំណូល មនោសញ្ចេតនា ល្អប្រសើរ អ្នកនៅលីវ នឹងអាចជួបមនុស្សដែលខ្លួនពេញចិត្ត ។
ឆ្នាំមមែ ៖ ការងារ ត្រូវម៉ឺងម៉ាត់ កុំលេងសើចច្រើន បញ្ចៀសត្រូវគេមើលស្រាលមកលើអ្នក ។ លុយកាក់ ប្រយ័ត្នត្រូវចាញ់បោកមនុស្សខិលខូច ។ មនោញ្ចេតនា ជាថ្ងៃមិនល្អសម្រាប់ការបង្ហាញទឹកចិត្តចំពោះមនុស្សដែលលួចពេញចិត្ត ។
ឆ្នាំវក ៖ ការងារ ត្រូវកត់ត្រាទុកកិច្ចការត្រូវធ្វើ ហ៊ានតែប្រហែសអ្នកនឹងត្រូវជួបរឿងស៊យ។ លុយកាក់ កុំឲ្យខកឱកាសរកប្រាក់នៅនឹងមុខ ព្រោះថ្ងៃនេះរាសីរបស់អ្នកឡើងខ្ពស់ ។ មនោសញ្ចេតនា ល្អប្រសើរ រីករាយក្នុងចិត្ត ។
ឆ្នាំរកា ៖ ការងារ ល្អសម្រេចជោគជ័យគ្រប់ភារកិច្ច ។ លុយកាក់ មានឱកាសរកចំណូលច្រើន ត្រូវក្តាប់យកឲ្យទាន់ពេល ។ មនោសញ្ចេតនាគួរយកចិត្តទុកដាក់ឲ្យបានច្រើនចំពោះមនុស្សជាទីស្រឡាញ់របស់អ្នក ។
ឆ្នាំចរ ៖ ការងារ មិនត្រូវអន្តរាគមន៍ចូលជ្រៅក្នុងកិច្ចការអ្នកដទៃ ។ លុយកាក់ មានទាំងព័ត៌មានល្អ និងអាក្រក់អំពីរឿងលុយកាក់ ។ មនោសញ្ចេតនា ងាយកើតមានទំនាស់ ឈ្លោះប្រកែកគ្នា ។
ឆ្នាំកុរ ៖ ការងារមានឱកាសឈានឡើងខ្ពស់ជាងមុន ។ លុយកាក់ អាចត្រូវបានឡើងប្រាក់ខែ ប្រាក់រង្វាន់ ។ មនោសញ្ចេតនា ជាថ្ងៃដ៏ប្រសើរសម្រាប់ការបង្ហាញមនោញ្ចេតនា ចំពោះមនុស្សដែលអ្នកពេញចិត្ត ៕