ជាការគាំទ្រដល់ទិវាអន្ដរជាតិបង្ការប្រឆាំងគ្រឿងញៀន ២៦មិថុនា បណ្ដាប្រទេសនៅអាស៊ីអាគ្នេយ៍ចំណុះតំបន់ត្រីកោណមាសដែលជាកន្លែងផលិតគ្រឿងញៀនធំលំដាប់ទី២ពិភពលោកបានរៀបចំការដុតបំផ្លាញចោលនូងវបរិមាណគ្រឿងញៀនដ៏សន្ធឹកសន្ធាប់មួយ។
ការពិនិត្យគ្រឿងញៀនមុនពេលកម្ទេចចោលនៅ Ayutthaya ប្រទេសថៃ
នៅប្រទេសឡាវ សមត្ថកិច្ចបានរៀបចំដុតកម្ទេចចោលប្រមាណ៤០គីឡូក្រាម ព្រមទាំងថ្នាំ yaba រាប់ម៉ឺនគ្រាប់នៅសំនឿ ដែលជាទីក្រុងតូចមួយភាគឦសានប្រទេសឡាវនិងជាច្រករត់ពន្ធចូលប្រទេសវៀតណាម។
នៅ Myanmar វិញ សមត្ថកិច្ចបានធ្វើការដុតបំផ្លាញចោលឃ្លាំងគ្រឿងញៀនគ្រប់ប្រភេទមួយនៅទីក្រុងYangon។
ទន្ទឹមនោះសកម្មភាពដុតកម្ទេចចោលគ្រឿងញៀនស្រដៀងគ្នានេះក៏ត្រូវបានរៀបចំនៅរដ្ឋMandalay និងTaunggyi ដែលបរិមាណគ្រឿងញៀនត្រូវដុតកម្ទេចចោលមានតម្លៃប្រហែល១៨៧លានដុល្លារ។
ប្រទេសថៃចាប់ផ្ដើមរៀបចំពិធីដុតគ្រឿងញៀនចោលមុនគេដែលមានគ្រឿងញៀនជាង៦តោនកាលពីថ្ងៃទី២៥មិថុនា ហើយក្នុងនោះភាគច្រើនគឺជាថ្នាំញៀនម៉ាទឹកកក។
UNODC អំពាវនាវឱ្យរដ្ឋាភិបាលបណ្ដាប្រទេសស្ថិតក្នុងតំបន់ត្រីកោណមាសលុបបំបាត់ចោលពំពើពុករលួយដើម្បីរាំងស្កាត់សកម្មភាពជួញដូរគ្រឿងញៀនក្នុងតំបន់ តាមការប៉ាន់ស្មានមានតម្លៃដល់ទៅ៤០ពាន់លានដុល្លារ៕
សូយន
