ស្វាយរៀង ៖ ជនសង្ស័យឈ្មោះអ៊ុក សោភា ភេទប្រុស អាយុ៣៤ឆ្នាំ នៅភួមិកំពង់រទេស ឃុំពពែត ស្រុកស្វាយទាប ខេត្តស្វាយរៀង បានឆ្លើយសាភាពប្រាប់សមត្តកិចនគរបាលថា កាលថ្ងៃខែមិនចាំ ក្នុងឆ្នាំ២០១៧ ខ្លួននិងប្រពន្ធបានដាក់បញ្ចាំដីស្រែមួយកន្លែងអោយទៅឈ្មោះ ជា សុភត្រា ភេទប្រុសអាយុ២១ឆ្នាំ នៅភូមិឃុំជាមួយគ្នាក្នុងតម្លៃ៥០០ដុល្លារ។
លុះដល់ឆ្នាំ២០១៨ ខ្លួននិងប្រពន្ធបានព្រមព្រៀងទទួលយកម៉ូតូអាសង់០១៨មួយគ្រឿង និងមាសចំនួន១ជីទៀតពីឈ្មោះ ជា សុភត្រា ដោយ:ព្រមប្រគល់ដីដែលដាក់បញ្ចាំនោះដាច់ទៅលើឈ្មោះជាសុភក្ត្រាតែម្តង។
រហូតមកដល់ថ្ងៃកើតហេតុគឺថ្ងៃ២៤ ខែមិថុនា ឆ្នាំ២០១៨ នៅពេលដែលខ្លួនផឹកស្រាសអស់បួនពែងរាងស្រវឹងស្រឿងៗ ក៏ស្រាប់តែឃើញឈ្មោះ ជា សុភត្រា កំពុងតែជួលត្រាក់”ទ័រភ្ជួរលើដីស្រែដែលខ្លួនបានលក់ទៅហើយនោះ ក៏កើតមានចិត្តខឹង ទើបទាញកាំបិតទៅកាប់ឈ្មោះ ជា សុភត្រា តែម្តង។
ក្រោយធ្វើសកម្មភាពកាប់រួចក៏បានរត់ទៅពួនក្នុងផ្ទះរបស់ខ្លួន រហូតដល់ថ្ងៃទី២៥ ខែមិថុនា ឆ្នាំ២០១៨ ពេលសមត្តកិច្ចនគរបាលស្រុកស្វាយទាប សហការណ៍ជាមួយកំលាំងរដ្ឋបាលឃុំពពែតទៅព័ទ្ធចាប់ក៏រត់ឡើងលើដំបូលផ្ទះ ប៉ុន្តែដោយសារមិនអាចទ្រាំនិងកំដៅថ្ងៃបាន ជនសង្ស័យរួបនេះក៏សុខចិត្តប្រគល់ខ្លួនជួនសមត្តកិច្ចតែម្តង។
បច្ចុប្បន្នជនសង្ស័យកំពុងត្រូវបានកំលាំងនគរបាលជំនាញការិយាល័យព្រហ្មទណ្ឌកំរិតស្រាលនៃស្នងការដ្ឋាននគរបាលខេត្តស្វាយរៀង កសាងសំណុំរឿងបញ្ជួនទៅសាលាដំបូងខេត្តដើម្បីចាត់ការបន្តតាមច្បាប់៕ វ៉ៃកូ
