ខេត្តស្វាយរៀង ៖ លោកជំទាវកិត្តិសង្គហបណ្ឌិត ម៉ែន សំអន រដ្ឋមន្ត្រីក្រសួងទំនាក់ទំនងជាមួយរដ្ឋសភា-ព្រឹទ្ធសភា និងអធិការកិច្ច រួមជាមួយ សហការីព្រមទាំងពុទ្ធបរិស័ទ្ធជិតឆ្ងាយបានមូលមតិគ្នានាំយក ទៀនព្រះវស្សា និងទេយ្យវត្ថុទៅប្រគេនព្រះសង្ឃ គង់ចាំព្រះវស្សារយៈពេលត្រីមាសចំនួន២៦វត្តដែលពិធីនេះប្រារព្ធឡើងនៅវត្តជម្ពូព្រឹក្សា (ហៅវត្តថ្មី) ក្នុងសង្កាត់សង្ឍរ័ក្រុងស្វាយរៀងខេត្តស្វាយរៀង នាព្រឹកថ្ងៃពុធ ១៥កើត ខែបឋមាសាឍ ឆ្នាំច សំរិទ្ធិស័ក ព.ស.២៥៦២ ត្រូវនឹងថ្ងៃទី២៧ ខែមិថុនា ឆ្នាំ២០១៨។
លោកជំទាវកិត្តិសង្គហបណ្ឌិត បានឧទ្ទិស បួងសួងសុំឲ្យប្រទេសជាតិជួបតែសេចក្តីសុខ សេចក្តីចម្រើន កសិកម្មទទួល បានភោគផលល្អនៅក្នុងឆ្នាំនេះ ឲ្យប្រទេសជាតិឲ្យជៀសផុតពីជម្ងឺដង្កាត់ ឬគ្រោះកាចផ្សេងៗ ជាពិសេស សូមឲ្យដំណើរ ការនៃការបោះឆ្នោតជ្រើសតាំងតំណាងរាស្ត្រនីតិកាលទី ៦ ដែលនឹងប្រព្រឹត្តទៅនៅពេលខាងមុខ ដំណើរការទៅបាន ល្អប្រសើរ និងបានទទួលការគាំទ្រពីជាតិ និងអន្តរជាតិ។ លោកជំទាវថ្លែងបន្ថែមថា ពិធីនេះកំណត់រដូវចូលវស្សា ៣ ខែនោះ ព្រះសង្ឃអាចនិមន្តទៅកាន់ទីនិគមន៍ណាក៏បាន ប៉ុន្តែត្រូវនិមន្តមកដល់វត្តវិញឱ្យបានមុនពេលអរុណរះនៃថ្ងៃដែលលោកនិមន្តចេញទៅនោះ ។
លោកជំទាវ ម៉ែន សំអន មានប្រសាសន៍ថា កាលដែលយើងបានធ្វើបុណ្យធ្វើទាននៅថ្ងៃនេះដោយសារប្រទេសជាតិយើងមានសុខសន្តិភាពហើយសន្តិភាពនេះមិនអាចកើតឡើងដោយឯកឯងបាននោះទេបើគ្មានសម្តេចតេជោហ៊ុនសែនដែលជាថ្នាក់ដឹកនាំដ៏ឈ្លាសវៃបានប្រែក្លាយប្រទេសតាំងពីបាតដៃទទេអោយមានការរីកចំរើនលើគ្រប់វិស័យពិសេសនគោលយោបាយបង្រួបបង្រួមជាតិក្រោមដំបូលរដ្ឋធម្មនុញ្ញតែមួយ។
ក្រោយបញ្ចប់ការបួងសួងរួចលោកជំទាវកិត្តិសង្គហបណ្ឌិតបានប្រគេនទានព្រះវស្សា, អង្ករ, ប្រេងម៉ាស៊ូត, ទឹកសុទ្ធ ទឹកក្រូច, មីម៉ា ម៉ា, ស្កសរ, តែស្លឹក ទឹកដោះគោ, កាហ្វេ, ត្រីខកំប៉ុង, តែ, ទឹកស៊ីអ៊ីវ, ទឹកត្រី, ប៊ីចេង, អំបិល, ខ្ទឹមស, ម្សៅស៊ុប, ត្រីងៀត ត្រីបាហើម សាច់ក្រក ផ្លែឈើ កន្ទេលខ្សែរ, ផ្ទិលសម្រាប់ដាក់បច្ច័យ បច្ច័យប្រគេនព្រះសង្ឃ និងបច្ច័យសម្រាប់កសាង និងបានចែកក្រណាត់ស និងថវិកាជូនដល់លោកយាយ លោកតា គណៈកម្មការវត្ត និងលោកអាចារ្យដែលបានចូលរួមផងដែរ៕ វ៉ៃកូ