ស្វាយរៀង ៖ លោកជំទាវកិត្តិសង្គហបណ្ឌិត ម៉ែន សំអន ឧបនាយករដ្ឋមន្ត្រីរដ្ឋមន្ត្រីក្រសួងទំនាក់ទំនងជាមួយរដ្ឋសភា-ព្រឹទ្ធសភា និងអធិការកិច្ច និងជាប្រធានក្រុមការងារចុះជួយខេត្តស្វាយរៀងបាន ថ្លែងអំពាវនាវដល់ព្រះសង្ឃនិងលោកអាចារ្យទាំងអស់ត្រូវចលនាដល់ប្រជាពលរដ្ឋពុទ្ធបរិសទ្ទនៅក្នុងមូលដ្ឋានរបស់ខ្លួន ក៏ដូចជាបងប្អូនញាតិញោម ឲ្យទៅចូលរួមបោះឆ្នោត ជ្រើសតាំងតំណាងរាស្ត្រ អាណត្តិទី៦ ដែលនឹងប្រព្រឹត្តទៅនៅថ្ងៃទី ២៩ ខែកក្កដា ឆ្នាំ ២០១៨ នាពេលខាងមុខឲ្យបានគ្រប់គ្នា និងបោះឆ្នោតជូនគណបក្សប្រជានកម្ពុជាដែលមានលេខរៀងទី២០ ដើម្បីសុខសន្តិភាព កំណើនសេដ្ឋកិច្ច និងការអភិវឌ្ឍន៍របស់ប្រទេសជាតិ។
ការថ្លែងបែបនេះខណៈដែលលោកជំទាវបានអញ្ជើញជាអធិបតីនៅក្នុងពិធីផ្សព្វផ្សាយខ្លឹមសារអនុសំវច្ឆនៈមហាសន្និបាតមន្ត្រីសង្ឃទូទាំងប្រទេសលើកទី២៦ ប្រគេនដល់មន្ត្រីសង្ឃ ព្រះសង្ឃទូទាំងខេត្តស្វាយរៀង នារសៀលថ្ងៃទី២៧ ខែមិថុនា ឆ្នាំ២០១៨នេះ នៅសាលប្រជុំធំរបស់សាលាខេត្តស្វាយរៀង។
លោកជំទាវកិត្តិសង្គហបណ្ឌិត ម៉ែន សំអន បានពាំនាំនូវការផ្តាំផ្ញើរសាកសួរសុខទុក និងសេចក្តីនឹករលឹកពី សំណាក់ សម្តេចអគ្គមហាសេនាបតីតេជោ ហ៊ុន សែន ប្រធានគណបក្ស ប្រជាជនកម្ពុជា និងជានាយករដ្ឋមន្ត្រី នៃព្រះរាជាណាចក្រកម្ពុជា និងសម្តេច កិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ប្រធានកាកបាទក្រហមកម្ពុជា ជូនដល់អង្គពិធីទាំងមូល និងសូមទទួលបាន នូវសុខភាពល្អ កម្លាំងពលំមាំមួន ដើម្បីបំពេញ ការងារឲ្យសម្រេចបាននូវជោគជ័យគ្រប់ៗគ្នា។
លោកជំទាវកិត្តិសង្គហបណ្ឌិតម៉ែនសំអនបានបញ្ជាក់ថាកន្លងមករាជរដ្ឋាភិបាលបានយើងបានដំណើរការរួមគ្នាដោះស្រាយបញ្ហាក្នុងរយៈពេលកន្លងទៅ ដែលមកពេលនេះបងប្អូនកម្មករ កម្មការិនី អាចយល់ដឹងហើយថា ខ្លួនឯងជាអ្នកទទួលផលទេ។
លោកជំទាវបានបន្ថែមថាប្រសិនបើគ្មានសន្តិភាព ក៏មិនអាចមានការអភិវឌ្ឍបានទេ។ ដូច្នេះសូមព្រះសង្ឃគ្រប់ព្រះអង្គលោកអាចារ្យ បែព្រះភក្រ័ ក្រឡេកមើលប្រទេសកម្ពុជានៃអតីតកាល ក្រុមគ្រួសារនីមួយៗសុទ្ធតែមានអ្នកដែលបានស្លាប់ក្នុងសង្គ្រាម ហើយនាពេលបច្ចុប្បន្ននេះយើងត្រូវរួមដំណើរជាមួយគ្នា ដើម្បីរក្សានូវសន្តិភាព និងការអភិវឌ្ឍឆ្ពោះទៅជាបន្តទៀត។
លោកជំទាវបានបញ្ជាក់ថា វិធីការពារសន្តិភាព និងដើម្បីធានាការអភិវឌ្ឍ ធានានូវមុខរបរ និងប្រាក់ចំណូលរបស់ប្រជាពលរដ្ឋគ្រប់ស្រទាប់វណ្ណៈ គឺងាយស្រួលទេ បោះឆ្នោតឲ្យគណបក្សប្រជាជន។ព្រះសង្ឃគ្រប់អង្គ លោកអាចារ្យគ្រប់រូប ចូលរួមរក្សាសន្ដិភាព ដើម្បីអភិវឌ្ឍន៍ ធ្វើឲ្យរោងចក្រក្លាយជាសហគមន៍សុខដុមរមនា ធ្វើយ៉ាងណាត្រូវចូលរួមក្នុងការរក្សាសន្ដិភាព ស្ថេរភាពនយោបាយ ដើម្បីធានានូវការអភិវឌ្ឍ លើគ្រប់វិស័យទាំងផ្នែកពុទ្ធចក្រនិងអាណាចក្រ។
នៅក្នុងឱកាសនោះលោកជំទាវកិត្តិសង្គហបណ្ឌិតក៏បានប្រគេនបច្ច័យក្នុងកម្មវិធីចំនួន៤លានរៀល ប្រគេនបច្ច័យដល់ព្រះសង្ឃនិងលោកអាចារ្យជាង៧០០អង្គនាក់ក្នុងមួយអង្គនាក់ទទួលបានថវិកា២ម៉ឺនរៀលផងដែរ ៕ វ៉ៃកូ
