ភ្នំពេញ ៖ គណៈកម្មាធិការជាតិរៀបចំការបោះឆ្នោត (គ.ជ.ប) បានចេញសេចក្ដីប្រកាសព័ត៌មាន ការយល់ដឹងពីសិទ្ធិ និងបម្រាមសម្រាប់គណបក្សនយោបាយ បេក្ខជន និងភ្នាក់ងារគណបក្ស ពាក់ព័ន្ធនឹងការចង្អុលបង្ហាញពីសិទ្ធិ និងបំរាមសម្រាប់គណបក្សនយោបាយ បេក្ខជន និងភ្នាក់ងារគណបក្សនយោបាយនីមួយៗ ក្នុងពេលដំណើការបោះឆ្នោត ជ្រើសតាំងតំណាងរាស្ត្រ នីតិកាលទី៦។
គណៈកម្មាធិការជាតិរៀបចំការបោះឆ្នោត (គ.ជ.ប) បានអនុម័តក្រមសីលធម៌ សម្រាប់គណបក្សនយោបាយ បេក្ខជន និងភ្នាក់ងារគណបក្សនយោបាយ អនុវត្តន៍ក្នុងដំណើការបោះឆ្នោត តាមសិទ្ធិ និងភារកិច្ចរបស់ខ្លួនតាមការកំណត់នៃច្បាប់ ។ ក្រមសីលធម៌នេះ បានសម្រេចដាក់ឲ្យប្រើប្រាស់កាលពីថ្ងៃទី២០ ខែកញ្ញា ឆ្នាំ២០១៦ ហើយបានកំណត់អំពីសិទ្ធិ និងបម្រាមចំពោះគណបក្សនយោបាយ បេក្ខជន និងភ្នាក់ងារគណបក្សនយោបាយ ដែលបានដកស្រង់ពីច្បាប់ បទបញ្ជា និងនីតិវិធីសម្រាប់ការបោះឆ្នោត ជ្រើសតាំងតំណាងរាស្ត្រ នីតិកាលទី៦ ៕ ដោយ៖កូឡាប