វីដេអូមួយខ្លីមួយ បង្ហាញរដ្ឋលេខាធិការផ្នែកដឹកជញ្ជូនអាមេរិក អ្នកស្រី Elaine Chao ដែលចូលប្រឈមមុខនឹងក្រុមអ្នកតវ៉ាមួយចំនួនដ៏ប្រថុចញ៉ុច បានកំពុងរីករាលដាលនៅលើបណ្តាញសង្គម ។
Chao អាចត្រូវបានឃើញក្នុងឃ្លីប បានប្រឈមមុខទាំងមួម៉ៅ ទៅនឹងក្រុមនោះដែលបានចោទសួរលោកស្រី និងស្វាមីរបស់អ្នកស្រី ដែលជាមេដឹកនាំសម្លេងភាគច្រើនព្រឹទ្ធសភា គឺលោក Mitch McConnell អំពីជំហររបស់ពួកគេ ទៅលើគោលនយោបាយអន្តោប្រវេសន៍របស់សហរដ្ឋអាមេរិក ។
ក្រុមទាំងនោះបានដើរទៅកាន់ប្តីប្រពន្ធនេះ ដោយចាក់សម្លេងដ៏សង្វេកពី ProPublica ដោយសំដៅលើកូនក្មេងយំយ៉ាងខ្លាំង បន្ទាប់ពួកគេត្រូវបានបំបែកចេញពីឪពុកម្តាយរបស់ពួកគេនៅព្រំដែន ។
ក្នុងអំឡុងពេលប្រឈមមុខដ៏ខ្លីនេះ ម្នាក់ក្នុងចំណោមពួកគេទាំងនោះ បានចាប់ផ្តើមសួរដដែលៗថា៖ «ហេតុអ្វីបានជាអ្នកកំពុងបំបែកគ្រួសារពួកគេទាំងនោះបែបនេះអីចឹង?» ។
Chao ក៏បានបានតបទៅកាន់ក្រុមនោះម្តងហើយម្តងទៀត មុនពេលចូលក្នុងរថយន្តរបស់អ្នកស្រីថា៖ «ហេតុអ្វីបានជាអ្នកទាំងអស់គ្នាមិនទុកឲ្យប្តីរបស់ខ្ញុំស្ងប់ចិត្តផង?» ។
បុរសម្នាក់បាននិយាយថា៖ «ខ្ញុំមិនមែនកំពុងព្យាយាម មិនគោរពអ្នកទេ ប៉ុន្តែ ចង់សួរថាហេតុអ្វីបានជា ‘គាត់’ កំពុងបំបែកគ្រួសារទាំងនោះ?»
កើតនៅក្នុងទីក្រុងតៃប៉ិ, តៃវ៉ាន់ ដែលឪពុកម្តាយជាជនជាតិចិន អ្នកស្រី Chao ខ្លួនឯងនាង ក៏ជាជនអន្តោប្រវេសន៍ ដែលបានចូលមកទឹកដីអាមេរិក តាមនាវាដឹកទំនិញ ជាមួយម្តាយ និងប្អូនស្រី២នាក់ នៅពេលអ្នកស្រីមានអាយុទើបតែ ៨ ឆ្នាំ នៅក្នុងឆ្នាំ១៩៦១ ។
នៅឆ្នាំ២០០១ អ្នកស្រីបានក្លាយជាស្ត្រីជនជាតិអាស៊ីអាមេរិកលើកដំបូង និងជាជនជាតិអាមេរិកដើមកំណើតចិនដំបូង នៅក្នុងប្រវត្តិសាស្ត្ររដ្ឋអាមេរិក ដោយត្រូវបានតែងតាំងធ្វើនៅខុទ្ធកាល័យប្រធានាធិបតី ក្នុងនាមជាលេខាធិការការងារ ស្ថិតក្រោមរដ្ឋបាលរបស់អតីតប្រធានាធិបតី George W. Bush ៕ ឧត្តម
