ក្នុងវីដេអូបង្ហោះដោយប៉ូលិសម៉ាទ្រីត , សត្វឆ្កែ Poncho លោតឡើងលើទ្រូងប៉ូលិសម្នាក់បានបាត់ស្មារតី ដើម្បីធ្វើចលនាសង្គ្រោះ រហូតដល់ពេលគេដឹងខ្លួនឡើងវិញ ។
Poncho សត្វឆ្កែស្ថិតក្នុងក្រុមប៉ូលិសម៉ាទ្រីត (អេស្ប៉ាញ) ត្រូវបានផ្តល់កិត្តិយសជាវីរបុរសក្រោយពេលធ្វើសកម្មសង្គ្រោះមនុស្សគួរឲ្យភ្ញាក់ផ្អើលនេះ ។
ក្នុងវីដេអូ Poncho ចូលរួមធ្វើសមយុទ្ធ គ្រាអាសន្ន ក្នុងនោះប៉ូលិសមួយរូបបានក្លែងធ្វើជាដួល និងសន្លប់បាត់ស្មារតី ។ ភ្លាមៗនោះ Poncho រត់មកយ៉ាងលឿន រួចលោតឡើងលើទ្រូងជនរងគ្រោះដើម្បីធ្វើចលនាបេះដូង ទន្ទឹមនោះ ពិនិត្យមើលដង្ហើមរបស់គេ ។ Poncho បានបញ្ឈប់សកម្មភាពពេលដែលជនរងគ្រោះបានដឹងខ្លួនឡើងវិញ ៕ លីសា
