តាមរ៉យទ័រ នៅថ្ងៃ២៨មិថុនានេះបានដកស្រង់ប្រភពច្បាស់ការណ៍មួយចំនួនឱ្យដឹងថា ប្រមុខការទូតអាមេរិកMike Pompeo បានរៀបចំផែនការទៅកាន់កូរ៉េខាងជើងនៅសប្ដាហ៍ក្រោយ ដើម្បីពិភាក្សាអំពីផែនការរំសាយនុយក្លេអ៊ែររបស់ប្រទេសនេះ ។
ប្រមុខការទូត Mike Pompeo
តាមកាសែតដដែលនេះឱ្យដឹងថា លោកPompeoបានលុបចោលជំនួបមួយជាមួយសមភាគីឥណ្ឌានៅទីក្រុងវ៉ាស៊ីនតោននាថ្ងៃទី៦ កក្កដា ដើម្បីហោះហើរទៅកាន់ក្រុងព្យុងយ៉ាង។
ដំណើរទស្សនកិច្ចលើកនេះរបស់ប្រមុខការទូតអាមេរិក អាចជាការគូសបញ្ជាក់ថា ជាដំណើរទសន្សកិច្ចដំបូងក្រោយជំនួបកំពូលរវាងប្រធានាធិបតីអាមេរិកនិងមេដឹកនាំកូរ៉េខាងជើងប្រព្រឹត្ដទៅកាលពីថ្ងៃទី១២មិថុនានៅសិង្ហបុរី៕
សូយន