ស្ដ្រីសញ្ជាតិម៉ិចស៊ិកកូម្នាក់បានរអិលដួលដោយសារស្បែកជើងកែងចោត ខណៈរថយន្ដមួយគ្រឿងកំពុងបើកយ៉ាងលឿន ។
ហេតុការណ៍ខាងលើកើតឡើងនៅទីក្រុងNogales រដ្ឋSonora ប្រទេសម៉ិចស៊ិកូកាលពីថ្ងៃទី២៧មិថុនា ហើយត្រូវបានកាមេរ៉ាសុវត្ថិភាពថតទុក។ ជនរងគ្រោះMinerva FS អាយុ២២ឆ្នាំ បានឆ្លងថ្នល់យ៉ាងប្រញាប់ប្រញាល់ទាំងកំពុងស្ដាប់ទូរស័ព្ទផង ពេលកំពុងរត់ឆ្លងថ្នល់ដោយពាក់ស្បែកជើងកែងចោតខ្ពស់ បានធ្វើឱ្យនាងរអិលចូលរថយន្ដតែម្ដង។
ជនរងគ្រោះត្រូវបានអ្នកដំណើរជ្រោមជ្រែងទៅមន្ទីរពេទ្យ។ ក្រុមវេជ្ជបណ្ឌិតឱ្យដឹងថា នាងបានបាក់ឆ្អឹងជង្គង់និងកែងដៃខាងឆ្វេង របួសបាតដៃខាងស្ដាំ ហើយមានស្នាមជាំច្រើនកន្លែង ប៉ុន្ដែពុំមានគ្រោះថ្នាក់ដល់ជីវិតឡើយ៕
សូយន
