នៅថ្ងៃទី២៨ ខែមិថុនា ខ្មាន់កាំភ្លើងម្នាក់បានបាញ់បំបែកកញ្ចក់ស្នាក់ការកាសែតCapital Gazette នៅទីក្រុងAnnapolis រដ្ឋ Maryland អាមេរិក ហើយក្រោយមកក៏បាញ់រះចូលទៅក្នុងបន្ទប់និពន្ធព័ត៌មានរបស់ស្នាក់ការកាសែតនេះធ្វើឱ្យមនុស្សយ៉ាងចិតណាស់៥នាក់ស្លាប់និងរងរបួសមួយចំនួនទៀត។
ទីកន្លែងកើតហេតុ
ប្រព័ន្ធផ្សព្វផ្សាយអាមេរិកឱ្យដឹងថា ការបាញ់រះខាងលើកើតឡើងនៅវេលាម៉ោង14h 30 ល្ងាចថ្ងៃទី២៨មិថុនា(ប្រមាណម៉ោង12:30 នាទីទៀបភ្លឺថ្ងៃទី២៩ ម៉ោងនៅកម្ពុជា)។សមត្ថកិច្ចបានចាប់ខ្លួនជនដៃដល់ ប៉ុន្ដែវាពុំព្រមសហការជាមួយសមត្ថកិច្ចឡើយ។ FBI ក៏ពុំមានព័ត៌មាននេះក្នុងឃ្លាំងទិន្នន័យ ប៉ូលិសក៏បានរកឃើញបរិក្ខារបន្ទុះនៅស្នាក់ការកាសែតនេះ។
Phil Davis ជាអ្នកយកព័តមាននៃកាសែតនេះឱ្យដឹងថា ជនដៃដល់បានប្រើកាំភ្លើងខ្លីបាញ់បំបែកកញ្ចក់ រួចបន្ទាប់មកទីនោះប្រៀបដូចជាសមរភូមិមួយនៅពេលអ្នកយកព័ត៌មានជាច្រើនត្រូវពួនក្រាបនៅក្រោមតុ។
បច្ចុប្បន្នគេនៅពុំទាន់ដឹងពីមូលហេតុដែលជនល្មើសបានធ្វើការបាញ់រះបែបនេះ។ទន្ទឹមនោះកងកម្លាំងនីតិប្រតិបត្តិបានដាក់ពង្រាយកម្លាំងដើម្បីការពារស្នាក់ការសារព័ត៌មានទាំងអស់ បំណងបង្ការកុំឱ្យមានករណីដូចពោលខាងលើ៕
សូយន
