កណ្តាល ៖ នគរបាលក្រុងតាខ្មៅ បានឲ្យដឹងថា មានករណីគ្រោះថ្នាក់ចរាចរ កើតឡើងរវាងរថយន្តនិងរថយន្ត បណ្តាលឲ្យរងបួសធ្ងន់ចំនួន១នាក់ នៅថ្ងៃសុក្រ ទី២៩ ខែមិថុនា ឆ្នាំ២០១៨ វេលាម៉ោង ៨និង៣០នាទី នៅត្រង់ចំណុចលើផ្លូវបំបែកជាបួន៦០ម៉ែត្រ ស្ថិតនៅភូមិបត្តាជី សង្កាត់ព្រែកហូរ ក្រុងតាខ្មៅ ។
គ្រោះថ្នាក់នេះបង្កឡើង ដោយរថយន្តមួយគ្រឿង ម៉ាក camary បាឡែន ពណ៌ទឹកមាស គ្មានស្លាកលេខ អ្នកបើកបរ មិនទាន់ស្គាល់អត្តសញ្ញាណ បើកបរក្នុងទិសដៅពីលិចមកកើត
មកដល់ចំណុចកើតហេតុខាងលើ បានបុកជាមួយរថយន្ត Tacoma ពណ៌ទឹកប្រាក់ គ្មានស្លាកលេខ អ្នកបើកបរឈ្មោះចាន់ តារា ភេទប្រុសអាយុ ៣៦ឆ្នាំ មានទីលំនៅភូមិស្មៅខ្ចី ឃុំ
ត្រពាំងសាប ស្រុកបាទី ខេត្តតាកែវ និងអ្នករួមដំណើរជាមួយឈ្មោះមឿង អេង រិទ្ធី ភេទប្រុស អាយុ៥ឆ្នាំ រងរបួសធ្ងន់ ត្រូវបងប្អូនបញ្ជូនទៅមន្ទីរពេទ្យនៅភ្នំពេញ ដើម្បីសង្គ្រោះ។
រថយន្តTacoma បើកបរក្នុងទិសដៅពីត្បូងទៅជើង ហើយបើកមកដល់ចំណុចកើតហេតុ ក៏បុកគ្នាតែម្តង។ ករណីនេះ បណ្តាលឲ្យខូចខាត រថយន្តធ្ងន់ចំនួន២គ្រឿង ។ នគរបាលក្រុង
តាខ្មៅ បានបញ្ជាក់ពីមូលហេតុថាមកពីអ្នកបើកបររថយន្ត Camary បាឡែន បើកក្នុងល្បឿនលឿន មិនគោរពសិទ្ធិអាទិភាព៕ ដោយ៖បញ្ញាស័ក្តិ
