គេកត់សម្គាល់ឃើញថា តារាចម្រៀងវ័យក្មេងទាំង៣នាក់ មាន សុវត្ថិ មុនីវណ្ណ សុវត្ថិ មុនីនាគ និងសុវត្ថិ សិរីវុឌ្ឍ ដែលសុទ្ធតែជាកូនប្រុសបង្កើតរបស់កំពូលតារាចម្រៀង ព្រាប សុវត្ថិ កំពុងកសាងកេរ្តិ៍ឈ្មោះល្បីល្បាញ លើទ្រនំផលិតកម្មរស្មីហង្សមាស ដែលជាក់ស្ដែងរាល់ពេលបង្ហាញវត្តមានម្ដងៗ គឺតែងតែមានសំឡេងហ៊ោកញ្ជៀវយ៉ាងខ្លាំង ពីសំណាក់អ្នកគាំទ្រ ។
ជាក់ស្ដែងកាលពីពេលថ្មីៗនេះ តារាចម្រៀងទាំង៣រូបខាងលើនេះ បានធ្វើឱ្យបណ្តាអ្នកផ្សារនាំគ្នាអង្គុយ និងឈរមើលយ៉ាងព្រោងព្រាត ក្នុងកំលុងពួកគេទៅថត MV បទចម្រៀងថ្មី ដោយក្នុងនោះមានទាំងក្បាច់រាំដ៏ល្អផងដែរ ៕ សាវុធ
