ស្វាយរៀង ៖ លោក ហូ សុងរចនា ស្នងការរងនគរបាលខេត្តស្វាយរៀងនិងជាតំណាងលោក ឧត្តមសេនីយ៍ទោ កឹង ឃន ស្នងការនគរបាលខេត្តស្វាយរៀងបានមានប្រសាសន៍ថាៈកីឡានាំមកនូវសុខភាពមាំមួននិងអាចប្រែក្លាយខ្លួនយើងអោយមានអនាគតល្អ។ការថ្លែងបែបនេះបានធ្វើងនៅក្នុងពិធីសំណេះសំណាលជាមួយក្រុមកីឡាករមកពី១០ឃុំនៅស្រុកស្វាយជ្រំនិងចែកសម្ភារៈកីឡាចំនួន៣៦៥កំប្លេស្នើ២២ក្រុមនៅរសៀលថ្ងៃទី២៩ខែមិថុនាឆ្នាំ២០១៨នៅក្នុងភូមិឃួចឃុំក្រោលគោ។
លោកហូសុងចរនាបានបន្តទៀតថា ៖ ប្រទេសជាតិមានសុខសន្តិភាព ស្ថេរភាពនយោបាយក្រោមការដឹកនាំរបស់សម្តេចតេជោហ៊ុនសែនធ្វើអោយមានការរីកចម្រើនលើគ្រប់វិស័យក្នុងនោះវិស័យកីឡាក៏មានការរីកចម្រើនគួរអោយកត់សម្គាល់ផងដែរ។លោកហូសុងរចនាបានពាំនាំនូវការផ្តាំផ្ញើសាកសួរសុខទុកពីលោកឧត្តមសេនីយ៍ទោ កឹង ឃន ស្នងការនគរបាលខេត្តជូនដល់អង្គពិធី និងបានបញ្ជាក់ប្រាប់ប្អូនៗជាកីឡាករអោយខិតខំរៀនសូត្រ លេងកីឡាដើម្បីសុខភាពល្អជៀសអោយឆ្ងាយពីគ្រឿងញៀន។
លោក ហូ សុងរចនា បានអំពាវនាវអោយប្អូនៗកីឡាករទាំងអស់ថែរក្សាសុខសន្តិភាពអោយស្ថិតស្ថេរគង់វង្សដើម្បីទទួលបានសមទ្ធិផលថ្មីៗបន្ថែមទៀតជាពិសេសប្រជាពលរដ្ឋនិងកីឡាករដែលជាយុវជនត្រូវនាំគ្នាទៅបោះឆ្នោតនៅថ្ងៃទី២៩ខែកក្កដាឆ្នាំ២០១៨អោយបានគ្រប់ៗគ្នាគឺបោះឆ្នោតជូនគណបក្សប្រជាជនកម្ពុជាដែលមានលេខរៀងទី២០ដើម្បីគាំទ្រសម្តេចតេជោហ៊ុនសែនធ្វើជានាយករដ្ឋមន្រីនៅអាណត្តិទី៦និងអាណត្តិជាបន្តបន្ទាប់ទៀត។
នៅក្នុងឱកាសនោះកីឡាករពីនាក់បានបេ្តជ្ញាខិតខំរៀនសូត្រនិងលេងកីឡាដើម្បីអនាគតភ្លឺស្វាងជៀសឆ្ងាយពីគ្រឿងញៀនព្រមទាំងនាំគ្នាទៅបោះឆ្នោតជូនគណបក្សប្រជនកម្ពុជាផងដែរ។បន្ទាប់ពីមានការឧបត្ថម្ភសម្ភារៈកីឡាលោកហូសុងរចនាក៏បានចូលបច្ច័យនូវថវិកាមួយចំនួនដល់កម្មវិធីនេះផងដែរ ៕ វ៉ៃកូ