ឆ្នាំជូត ៖ ការងារ ល្អបំផុត គ្រប់យ៉ាងប្រព្រឹត្តទៅតាមផែនការ ។ លុយកាក់ ធ្លាក់ចំ រងសម្ពាធច្រើន ។មនោសញ្ចេតនា គួរមានភាពជឿជាក់ចំពោះមនុស្សដែលអ្នកស្រឡាញ់ ។
ឆ្នាំឆ្លូវ ៖ ការងារ ដោយសារផ្លូវចិត្តមិននឹងនរ នាំឲ្យឥទ្ធិពលដល់ប្រសិទ្ធភាពការងារ ។ លុយកាក់ ថ្ងៃនេះមិនអំណោយផលល្អសម្រាប់ការរកប្រាក់ ។ មនោសញ្ចេតនាមិនត្រូវសកម្មជ្រុលក្នុងរឿងមនោសញ្ចេតនា ។
ឆ្នាំខាល ៖ ការងារ ប្រយ័ត្នថ្ងៃនេះថកុំឲ្យកើតមានកំហុសក្នុងការងារ ។ លុយកាក់ ស្ថិរភាពធម្មតា ពុំមានកើនឡើង តែក៏មិនធ្លាក់ចុះ ។ មនោសញ្ចេតនា សប្បាយរីករាយកក់ក្តៅក្នុងចិត្ត ។
ឆ្នាំថោះ ៖ ការងារ ជួបរឿងរំខានចិត្តច្រើន ត្រូវនឹងនរកុំសម្តែងអារម្មណ៍ឆេវឆាវ ។ លុយកាក់ កើតមានខ្ទង់ចំណាយពាក់ព័ន្ធដល់រឿងមនោសញ្ចេតនា ។ មនោសញ្ចេតនាជាថ្ងៃដ៏ប្រសើរដើម្បីបង្ហាញក្តីស្រឡាញ់ឲ្យដៃគូបានដឹង ។
ឆ្នាំរោង ៖ ការងារ អំណោយផលល្អ លេចចេញឱកាសសហការរកស៊ីច្រើន ។ លុយកាក់ ល្អប្រសើរ មានអ្នកជួយជ្រោមជ្រែងឧបត្ថម្ភ ។ មនោសញ្ចេតនា ធ្លាក់ចុះគួរលៃពេលឲ្យបានច្រើនសម្រាប់គូស្នេហ៍ ។
ឆ្នាំម្សាញ់ ៖ ការងារ ប្រព្រឹត្តទៅជាធម្មតា ពុំកើតមានរឿងអ្វីគួរឲ្យបារម្ភ ។ លុយកាក់ ចំណូលនឹងនរ តែក៏មិនត្រូវចាយវាយខ្ជះខ្ជាយ ។ មនោសញ្ចេតនា មិនល្អកុំយករឿងមិនសប្បាយចិត្តពីក្រៅធ្វើឲ្យប៉ះពាល់ទំនាក់ទំនងអ្នកទាំងពីរ ។
ឆ្នាំមមី ៖ ការងារ ត្រូវនឹងនរដោះស្រាយនូវបញ្ហាកើតមានក្នុងថ្ងៃនេះ ។ លុយកាក់ ទោះបីត្រូវចំណាយច្រើនបន្តិច តែចំណូលនៅតែស្ថិរភាព ។ មនោសញ្ចេតនា ប្រយ័ត្នពាក្យសម្តីកុំឲ្យគូស្នេហ៍អាក់អន់ចិត្ត ។
ឆ្នាំមមែ ៖ ការងារ ជួបការលំបាក ឧបសគ្គច្រើន ។ លុយកាក់ ប្រយ័ត្នត្រូវបាត់របស់របរ លុយកាក់ ក្នុងថ្ងៃនេះ ។ មនោសញ្ចេតនា កើតមានទំនាស់ឈ្លោះប្រកែកគ្នា ។
ឆ្នាំវក ៖ ការងារ ទោះបីមានអ្នកច្រណែនរុកកួន តែគ្រប់យ៉ាងនៅតែត្រូវបានអ្នកដោះស្រាយដោយរលូន ។ លុយកាក់ ថ្ងៃនេះគួររក្សាប្រាក់ឲ្យគត់មត់ មិនត្រូវចាយវាយខ្ជះខ្ជាយ ។ មនោសញ្ចេតនា មានឱកាសរកឃើញមនុស្សដែលខ្លួនពេញចិត្ត ។
ឆ្នាំរកា ៖ ការងារ ល្អប្រសើរ ដំណើរការតាមការគ្រោងទុក ។ លុយកាក់ ធម្មតា ពុំខ្វះខាត តែក៏ពុំកើនឡើងជាងមុន ។ មនោសញ្ចេតនា គួរជឿជាក់លើគ្នាមិនត្រូវស្តាប់ពាក្យខ្សឹបខ្សៀវពីខាងក្រៅ ។
ឆ្នាំចរ ៖ ការងារ ត្រូវស្មោះត្រង់បង្ហាញ គំនិតរបស់ខ្លួន ដើម្បីឲ្យថ្នាក់លើពិចារណា និងជួយឲ្យការងាររីកចម្រើនជាងមុន ។ លុយកាក់ គួរចេះឆក់យកឱកាសល្អៗនៅចំពោះមុខ ។ មនោសញ្ចេតនា គួរបើកចំហ មិនគួរលាក់លៀមក្តីស្នេហ៍របស់អ្នកចំពោះមនុស្សដែលអ្នកស្រឡាញ់ ។
ឆ្នាំកុរ ៖ ការងារ មានអ្នកច្រណែនឈ្នានីសនឹងសមត្ថភាពរបស់អ្នក ត្រូវប្រយ័ត្នខ្លួន ។ លុយកាក់ ស្ថិរភាព ។ មនោសញ្ចេតនាកុំឲ្យរឿងផ្ទាល់ខ្លួនឥទ្ធិពលដល់មនោសញ្ចេតនារបស់អ្នកនិងគូស្នេហ៍ ៕