នៅព្រឹកថ្ងៃ២៩ ខែមិថុនា នាយករដ្ឋមន្ដ្រីថៃ ប្រាយុទ្ធ ចាន់អូចាបានធ្វើដំណើរពិនិត្យមើលការងារសង្គ្រោះមនុសស្ស១៣នាក់ដែលបាត់ខ្លួននៅក្នុងល្អាងភ្នំលិចទឹកមួយ នៅខេត្ដឈាងរ៉ៃភាគខាងជើង។
កងកម្លាំងសង្គ្រោះប្រឹងប្រែងរុករកក្រុមបាល់ទាត់វ័យជំទង់បាល់ទាត់ដែលបាត់ខ្លួនក្នុងល្អាងភ្នំនៅខេត្តឈាងរ៉ៃកាលពីថ្ងៃ២៦មិថុនា
នៅព្រឹកថ្ងៃទី២៩មិថុនានេះដែរ ក្រុមសង្គ្រោះបានបញ្ជូនប្រអប់អាហារ ផែនទី ទូរស័ព្ទចល័តនិងការណែនាំជនរងគ្រោះ បញ្ជូនចូលតាមរន្ធទឹកហូរទាំងឡាយតាមរយៈប្រហោងមួយដែលគេចោះពីលើកំពូលភ្នំTham Luang ។
មុននោះ សមត្ថកិច្ចថៃបានប្រាប់ថា ការចោះប្រហោងនេះមានបំណងបញ្ជូនភ្នាក់ងារសង្គ្រោះទៅកាន់ល្អាងទាំងឡាយ ដើម្បីរុករកអ្នកដែលអាចជាប់គាំងនៅខាងក្នុង ។ព្រោះថា គេនៅសង្ឃឹមថាអ្នកទាំងនោះនៅមានជីវិត ហើយគេនឹង ឡើងតាមផ្នែកទាំងឡាយមកខាងលើដើម្បីចៀសផុតពីតំបន់ដែលលិចលង់ ហើយរង់ចាំអ្នកមកសង្គ្រោះ៕
សូយន