កាលពីជាង ១០ឆ្នាំមុន មានមនុស្សមិនតិចនាក់ឡើយ ដែលធ្លាប់បានទស្សនារឿង «រស់ជាតិជីវិត» ដែលជារឿងអប់រំ និងចាក់បញ្ចាំងនៅលើកញ្ចក់ទូរទស្សន៍ប៉ុស្ដិ៍លេខ ៥ ។ នៅក្នុងរឿងខាងលើ ទស្សនិកជនពិតជាស្គាល់ច្បាស់នូវតួអង្គឯកប្រុស ឈ្មោះ បូរ៉ា ដែលមិនត្រឹមតែមានសម្រស់ស្រស់សង្ហាប៉ុណ្ណោះទេ ហើយថែមទាំងមានសមត្ថិភាពពិសេសក្នុងការសម្ដែងបានយ៉ាងល្អថែមទៀតផង ។
លោក បូរ៉ា មានឈ្មោះពិតថា កែវ ង៉ែត ជាអតីត Freshie Boy ចំណាត់ថ្នាក់លេខ១ ជំនាន់ទី១ ក្នុងឆ្នាំ២០០២ ដោយមកទល់ពេលនេះ លោកឈានចូលវ័យប្រមាណ៣០ឆ្នាំហើយ ។ ត្បិតតែលោក បានផ្អាកពីវិស័យសិល្បៈទៅហើយយ៉ាងណាក្ដី ក៏រូបរាងដ៏សង្ហារបស់លោក ពុំបានផ្លាស់ប្ដូរឡើយ ហើយមកទល់ពេលនេះ លោកក៏បានចាកចេញពីកម្ពុជា ទៅបន្តការសិក្សានៅបរទេសផងដែរ ៕ សាវុធ
ខាងក្រោមនេះ គឺរូបរបស់លោក បូរ៉ា នាពេលបច្ចុប្បន្ន ៖
