បន្ទាយមានជ័យ : ដើម្បីបង្កលក្ខណ:អោយបងប្អូនប្រជាពលរដ្ឋបានសប្បាយរីករាយបន្ថែមនៅមូលដ្ឋានផ្ទាល់ផង និងដើម្បីចូលរួមអបអរទិវាបុណ្យឯករាជ្យជាតិលើកទី៦៤ឆ្នាំ ៩វិច្ឆិកា១៩៥៣-៩វិច្ចិកា ២០១៧ ផងនោះ អាជ្ញាធរបានសហការររៀបចំការប្រណាំងទូកទ្រង់ទ្រាយធំលើកដំបូងបង្អស់នៅអាងត្រពាំងថ្មនាឃុំប៉ោយចារ ស្រុកភ្នំស្រុក។ ពិធីនេះប្រារព្ធកាលពីថ្ងៃទី១២-១៣វិច្ឆិកាឆ្នាំ២០១៧ ដោយមានមនុស្សជាង១ម៉ឺននាក់ចូលរួមទស្សនា។
លោក អ៊ុំ រាត្រី អភិបាលរងខេត្តបន្ទាយមានជ័យនិងជាប្រធានគណ:កម្មការរៀបចំពិធីប្រណាំងទូកនិយាយថា ៖ នេះជាឱកាសចូលរួមបន្ថែមដល់សេចក្តីដឹងគុណនិងចងចាំមិនភ្លេចនូវព្រះរាជបូជនីយកិច្ចរបស់ព្រះមហាវីរ:ក្សត្រ ព្រះបរមរតន:កោដិនរោត្តម សីហនុ និងវីរភាព ពលិកម្មរបស់វិរ:ជន យុទ្ធជន យុទ្ធនារីនិងពលរដ្ឋកម្ពុជាដែលបានតស៊ូទាមទារឯករាជ្យពីអាណានិគមនិយមបារាំងនៅថ្ងៃទី៩វិច្ឆិកា១៩៥៣។ និងសំខាន់មួយទៀតគឺដើម្បីបង្កលក្ខណ:សប្បាយរីករាយជូនបងប្អូនប្រជាពលរដ្ឋ ភ្ញៀវជាតិអន្តរជាតិនៅនឹងមូលដ្ឋានផងនិងក៏ចូលរួមអបអរចំពោះទិន្នផលនិងតម្លៃស្រូវដែលល្អជាងឆ្នាំមុនៗ។
លោក អ៌ុំ រាត្រី បន្តថា ចំពោះទូកប្រណាំងនៅថ្ងៃទី១១- ១២វិច្ឆិកាឆ្នាំ២០១៧នេះ មានចំនួន២៤ទូក។ ក្នុងនោះទូកចំណុះ៤៥នាក់មាន២ទូក ទូកចំណុះ២២នាក់មាន៩ទូក។ទូលចំណុះ ៥នាក់មាន១៣ទូក ហើយបានប្រកួតចំនួនជម្រុះនិងផ្តាច់ព្រ័ត្រចំនួន ១០២គូប្រកួត។
ជាលទ្ធផល ទូកចំណុះ៤៥នាក់ លេខ១បានទៅទូលឈ្មោះ ទឹកជោរសែនជ័យបារមីនាគរាជ្យ មកពីឃុំទឺកជោរ។លេខ២ ទូកឈ្មោះ សម្រែរាជសីរស្មីទេពធីតា មកពីឃុំទឹកជោរដែរ។ទូកចំណុះ២២នាក់ លេខ១បានទៅទូលឈ្មោះ គោកចារមានជ័យបារមីសាមគ្គី មកពីភូមិគោកចារឃុំដ្ពានស្រែង។ លេខ២ ទូកឈ្មោះពពករសាត់ផាត់ជលសារ មកពីភូមិស្រមោចឃុំនិងស្រុកព្រះនេត្រព្រះ ។ ទូកចំណុះ៥នាក់ លេខ១បានទៅទូកឈ្មោះ ឧត្តមសីលាបារមីនាគរាជជ្រែកជលសារ មកពីភូមិត្រពសំងថ្មឃុំប៉ោយចារស្រុកភ្នំស្រុក។ ហើយក្រៅពីនោះ បទូកបានលេខ២និងអត៉ចំណាត់ថ្នាក់។
លោកគោសុំ សារឿត រដ្ឋលេខាធិការក្រសួងធនធានទឹកនិងឧតុនិយមនិងជាតំណាងលោកឧបនាយករដ្ឋមន្ត្រីកែ គឹមយ៉ាន មានប្រសាសន៍ថាះ ឯករាជ្យ សំខាន់ណាស់។ ហើយបច្ចប្បន្នដោយមានគោលនយោបាយរបស់រាជរដ្ឋាភិបាលដឹកនាំដោយសម្តេចតេជោហ៊ុន សែន នាយករដ្ឋមន្ត្រី និងក្រោមម្លប់ដ៏ត្រជាក់នៃអង្គព្រះករុណាសម្តេចព្រះបរមនាថ នរោត្តម សីហមុនី ព្រះមហាក្សត្រនិងអង្គសម្តេចម៉ែបាននឹងកំពុងធ្វើអោយប្រទេសជាតិរីកចម្រើនលើគ្រប់វិស័យ ធានាបូរណភាពទឹកដី. សុខសន្តិភាព គោរពសិទ្ធិមនុស្ស ប្រជាធិបតេយ្យសេរីពហុបក្ស។
រាជរដ្ឋាភិបាលបានធ្វើអោយរលំរលាយទាំងស្រុងនូវនយោបាយក្បត់ជាតិដែលគាំទ្រដោយបរទេសក្រោមរូបភាពទាមទារលទ្ធិប្រជាធិបតេយ្យ សិទ្ធិមនុស្សនិងទិសស្លោក”ផ្លាស់ប្តូរ” ដែលជាទិដ្ឋភាពបដិវត្តន៍ពណ៍ចង់ផ្តួលរំលំរដ្ឋអំណាច ដែលងមានគណបក្សប្រឆាំងជាស្នូល ហើយមានតួអង្គជាច្រើនទៀតជាខ្សែសង្វាក់ មានបរទេសជាខ្នងបង្អែក ។ លោកនិយាយបន្ថែមថា ការរៀបចំនេះ ចង់អោយពលរដ្ឋបានសប្បាយរីករាយ ហើយកុំគិតរឿងផ្សេងដូចរឿងនយោបាយ រឿងរំលាយគណបក្សប្រឆាំងជាដើម។
លោកគោស៊ុំ សារឿត និងលោក សួន បវរ អភិបាលខេត្តបន្ទាយមានជ័យព្រមទាំងគណៈអធិបតីបានផ្តល់នូវអំណោយរបស់លោកឧបនាយករដ្ឋមន្ត្រីកែ គឹមយ៉ាន និងរបស់រដ្ឋបាលខេត្តចំពោះជ័យលាភី ៖ រង្វាន់លេខ១ ទូកចំណុះ៤៥នាក់ បានពាន១ ទង់១ ថវិកា៣ ៣០០ ០០០រៀល។មី១៥កេះ ទឹកក្រូច៨កេះ ទឹកសុទ្ធ២០យួរ។ជ័យលាភីលេខ២ បានទង់១ ថបិកា ៤០ ០០០រៀលនិងសម្ភារៈដូចគ្នា។ ទូកចំណុះ២២នាក់ លេខ១ បានទទួលពាន១ ទង់១ ថវិកា៣០ ០០០រៀល មី៨កេស ទឹកក្រូច៤កេស ទឹកសុទ្ធ១០យួរ ។លេខ២ បានទង់១ ថវិកា១ ១០០ ០០០រៀល និងសម្ភារៈដូចគ្នា ។លេខ៣ បានទង់១ ថវិកា៩០០ ០០០រៀល សម្ភារៈដូចគកនា។ រង្វាន់លើកទឹកចិត្តទូកចំណុះ២២នាក់ ៦ទូក។ ទូកចំណុះ៥នាក់ លេខ១ បានថវិកា៥០ ០០០រៀល មី២កេះ ទឹកក្រូច១កេស ទឹកសុទ្អ៥យួរ ។លេខ២នុងអ្នកអត់លេខក៏ទទួលរង្វាន់លួងចិត្ត។
ដោយឡែកគ្រូបង្វឹកនិងក្រុមកីឡាករបាល់ទាត់សិស្សបឋមសិក្សាជ្រើសរើសជើងឯកទូទាំងប្រទេសឆ្នាំសិក្សា២០១៦ ២០១៧ ដែលបានចំណាត់ថ្នាក់លេខ១ និងផ្តល់ថវិកាអំណោយដល់អ្នកពាក់ព័ន្ធជាច្រើនទៀតក្នុងពិធី៕ ដោយ ៖ បន្ទាយ