តាមអ្នកយកព័ត៌មានរបស់ TTXVN នៅថៃបានឱ្យដឹងថា នៅព្រឹកថ្ងៃទី 1 ខែមេសាកងកម្លាំងសង្គ្រោះបានចូលជ្រៅទៅក្នុងរូងភ្នំ Tham Luang នៅខេត្តឈាងរ៉ៃ ជាកន្លែងដែលយុវជន 12 នាក់និងគ្រូបង្វីកម្នាក់ ដែលបានជាប់គាំង ពេញមួយសប្តាហ៍កន្លងមក ហើយនាំមកនូវក្តីសង្ឃឹមជួយសង្គ្រោះមនុស្សទាំងនេះ។
កងកម្លាំងសង្គ្រោះថៃ បានចូលរួមស្វែងរកក្រុមយុវជនដែលបាត់ខ្លួននៅរូងភ្នំ ថ្ងៃទី 30 ខែមិថុនា។
តាមលោកអភិបាលខេត្ត Narongsak Osottanakorn នោះ ប្រធានក្រុមអ្នកជំនាញអាមេរិកបានទៅដល់ចំណុចទី 2 នៃរូងភ្នំ ដែលជាចំណុចប្រសព្វគ្នានៃរូងភ្នំ២ អាចនៅពីចម្ងាយក្រុមនេះប្រហែល 2 គីឡូម៉ែត្រប៉ុណ្ណោះ។
ក្រុមអ្នកជួយសង្គ្រោះញាប់ដៃញាប់ជើងពេល ចូលកាន់តែទៅកៀកនឹងកន្លែងដែលគេគិតថាពួកក្មេងទាំង១៣នាក់នោះ កំពុងសម្ងំ។ អ្នកសង្គ្រោះបានចូលទៅជិតទីនោះម្តងហើយ កាលពីថ្ងៃអង្គារ តែស្ថានភាពគឺលំបាកណាស់ពេលនោះ ត្បិតមានភ្លៀងធ្លាក់ច្រើននិងទឹកហូរគំហុកខ្លាំងពេក។ ថ្ងៃសៅរ៍ទី៣០ ខែមិថុនានេះ ភ្លៀងក៏រាំង ហើយគេបានបូមទឹកចេញពីរូងភ្នំបានច្រើន។ ដូច្នេះ ស្ថានភាពនៃការរុករកបានគ្រាន់បើជាងមុន។ នេះបើតាមការអះអាងរបស់ លោកអភិបាលខេត្តឈៀងរ៉ៃ។
ក្រុមជួយសង្គ្រោះមកពីអាមេរិក, អង់គ្លេស, អូស្ត្រាលី, ចិន, មីយ៉ាន់ម៉ានិងឡាវកំពុងចូលរួមស្វែងរកការសង្គ្រោះ។
អ្នកជំនាញអាមេរិកម្នាក់លើកឡើងថា ពួកគេទាំង១៣នាក់នោះ សុទ្ធសឹងជាកីឡាករ ដូច្នេះអាចទ្រាំ អត់ធន់បាន ហើយបើពួកគេអាចផឹកទឹកទ្រទ្រង់រាងកាយបានទៀតនោះ គឺសង្ឃឹមថាពួកគេនឹងមានជីវិតរស់នៅ។ ព្រោះថា នៅប្រទេសដទៃ គឺធ្លាប់មានករណីដូចគ្នានេះដែរ ហើយគេអាចរស់ដោយជាប់កុនក្នុងរូងភ្នំដូច្នេះ បានកន្លះខែ ទៅមួយខែឯណោះ៕ សូយន