បន្ទាយមានជ័យ ៖ អង្គការមជ្ឈមណ្ឌលអប់រំបណ្តុះបណ្តាលបច្ចេកទេសអាស៊ីអាគ្នេយ៍អាមេរិកាំង- កម្ពុជា( SEAPC-C) បានសាងសង់រួចនិងផ្តល់អាគារ និងសម្ភារ:អប់របណ្តុះបណ្តាលបច្ចេកទេសដែលជាគម្រោង “រូមគ្នាអភិវឌ្ឍន៍ខេត្តបន្ទាយមានជ័យBanteayMeanchey Arise) ” ដែលជាគម្រោងតាំងពីឆ្នាំ២០១៥មកនោះ បានសាងសង់រួចនិងដាក់សម្ពោធអោយប្រើប្រាស់១កន្លែងហើយនៅវិទ្យាល័យជប់វារីឃុំជប់វ៉ារី ស្រុកព្រះនេត្រព្រះ ខេត្តបន្ទាយមានជ័យ ។
លោក លី សារី អភិបាលរងខេត្តបន្ទាយមានជ័យក្នុងពិធីសម្ពោធកាលពីថ្ងៃទី១៣ ខែវិច្ឆិកា ឆ្នាំ២០១៧ បឆនអោយដឹងថា អាគារនេះមានបណ្តោយ៤០ម៉ែត្រ ទទឺង២០ម៉ែត្រ សាងសង់ក្នុងទីតាំងវិទ្យាល័យជប់វ៉ារីដែលចាប់ផ្តើមកសាងនៅថ្ងៃទី៣ ខែ វិច្ឆិកា ឆ្នាំ២០១៥និងធ្វើរួចរាល់ជាស្ថាបពរនិងដាក់សម្ពោធឲ្យប្រើប្រាស់ជាផ្លូវការនៅថ្ងៃទី១៣ ខែវិច្ឆិកា ឆ្នាំ២០១៧។
លោកបានបន្តថា អាគារប់រំបណ្តុះបណ្តាលបច្ចេកទេសនេះមាន១ខ្នង ដែលចែកចេញជា បន្ទប់ស្នាក់នៅរបស់គ្រូបង្រៀនមានចំនួន៤បន្ទប់។ សាលបណ្តុះបណ្តាលព័ត៌មានវិទ្យាចំនួន១បន្ទប់ធំ។ សាលបណ្តុះបណ្តាលជំនាញបច្ចេកទេសចំនួន១ធំ។ ការិយាល័យសម្រាប់បុគ្គលឹក ចំនួន១បន្ទប់ធំ។ បង្គន់អនាម័យចំនួន ៧បន្ទប់។ អាគារនេះបំពាក់ទៅដោយបរិក្ខាគ្រប់បន្ទប់ ព្រមទាំងប្រព័ន្ធទឹកស្អាត និងប្រព័ន្ធភ្លើង សរុបជាទឹកប្រាក់អស់ចំនួន១៥០.០០០ដុល្លារ (១៥ម៉ឺនដុល្លារ) ។
លោក ហ៊ូ ប៊ុនហេង ជាប្រធានសាខាអង្គការមជ្ឈមណ្ឌលអប់រំបណ្តុះបណ្តាលបច្ចេកទេសអាស៊ីអាគ្នេយ៍-កម្ពុជាប្រចាំខេត្តបន្ទាយយមានជ័យនិងក៏ជាទីប្រឹក្សាលោកឧបនាយករដ្ឋមន្ត្រីកែ គឹមយ៉ាន បាននិយាយថា អង្គការគ្រឹស្ទាននេះ មានការិយាល័យមូលដ្ឋាននៅទីក្រុងអុកមុនរដ្ឋផេនស៊ីវិននៀរ អាមេរិក ហើយបានបើកប្រតិត្តិការនៅ២៥ប្រទេស និងក៏បានបានចុះបញ្ជីប្រតិបត្តិការនៅកម្ពុជាដែរ ហើយមានគម្រោងអភិវឌ្ឍន៍ផ្នែកសុខភាព ការអប់រំ បង្កើតមជ្ឈមណ្ឌលទំនុកបម្រុងកុមារកំព្រានិងមីក្រហិរញ្ញវត្ថុ។
ក្នុងនោះមានសាខានៅខេត្តបន្ទាយមានជ័យដោយផ្តោតការងារលើវិស័យអប់រំ ដែលជាកិច្ចសហប្រតិបត្តិការជាមួយវិស័យអប់រំ តែអង្គការបានប្រកាន់ជំហរអព្យាក្រិត្យ មិនរើសអើងពូជសាសន៍ សាសនា មិនប្រកាន់និន្នាការនយោបាយ។
លោក ហ៊ូ ប៊ុនហេង និយាយបន្តថា: អនុវត្តកម្មវិធីដំបូង អង្គការបានធ្វើនៅសាលាបឋមសិក្សារោងគោឃុំចំណោមស្រុកមង្គលបូរីងាំងពីឆ្នាំសិក្សា២០០៤-០៥មកម្ល៉េះ។ និងពីឆ្នាំ២០១៤-១៥ អង្គការបានពង្រីកការជួយអភិវឌ្ឍន៍វិស័យអប់រំទូទាំងខេត្តបន្ទាយមានជ័យដូចជាផ្នែកមត្តេយ្យសិក្សា,បឋមសិក្សា ,មធ្យមសិក្សា ,និងការងារបណ្តុះបណ្តាលវវិជ្ជាជីវ:។ សរុប ១០ឆ្នាំកន្លងមក អង្គការបានជួយសាងសង់អគារ ថវិកាផ្សេងៗរបស់គម្រោង ថវិកាឧបត្ថម្ភបន្ថែមដល់គ្រូបង្រៀនអស់ជិត១,៣លានដុល្លារ។
ចំពោះការសាងសង់អគារនិងបំពាក់សម្ភារ:ក្នុងមជ្ឈមណ្ឌលនេះ យឺតយ៉ាវព្រោះសង់តាំងពីឆ្នាំ២០១៥កន្លងមកនោះ លោកនិយាយថា មិនមែនមកពីបញ្ហាថវិការបស់អង្គការ ឬមកពីបញ្ហាខាងអាជ្ញាធរ ជំនាញដែនដីទេតែមកពីជាងអ្នកម៉ៅការសាងសង់។ឡូងអង្គការរកជាងថ្មីបានហើយ។ នៅថ្ងៃទី១៤វិច្ឆិកានេះ នឹងបញ្ចុះបឋមសិលាសាងសង់អគារបណ្តុះបណ្តាលបច្ចេកទេសថ្មី១ទៀតនៅវិទ្យាល័យមង្គលបូរី ហើយនឹងបន្តទៅស្រុកក្រុង៧ផ្សេងទៀតដូចដែលអង្គការនិងអាជ្ញាធរនិងក្រសួងអប់រំបានចុះអនុសហសារណ:ជាមួយគ្នាកន្លងមក។
លោកម៉ាក ហ្គេបផឹត (Mr Mark Geppert) នាយកអង្គការអង្គការមជ្ឈមណ្ឌលអប់រំបណ្តុះបណ្តាលបច្ចេកទេសអាស៊ីអាគ្នេយ៍អាមេរិកាំង- អន្តរជាតិ( SEAPC-C) ថ្លែងថា ក្រុមជំនុំគ្រីស្ទាននិងសប្បុរសជនអាមេរិកាំងបានគាំទ្រនិងប្តេជ្ញារៃអង្គាសធនធានមកអនុវត្តគម្រោងនានារបស់អង្គការ ក្នុងនោះក៏ធានាអនុវត្តលើគម្រោង ” រូមគ្នាអភិវឌ្ឍន៍ខេត្តបន្ទាយមានជ័យ: BanteayMeanchey Arise) ” ដែលជាដំណឹងល្អនិងអំណោយពីព្រះអម្ចាស់យេស៊ូវ។
លោកម៉ាកបន្ថែមថា ៖ “រដ្ឋាភិបាលដែលល្អគឺគេជួយ គេយកចិត្តទុកដាក់ដល់ពលរដ្ឋរបស់គេ។ ដូច្នេះយើងគាំទ្រការខិតខំរបស់គេ យើងចង់ជួយអ្នកជំនាន់ក្រោយនៅកម្ពុជា ពិសេសនៅខេត្តបន្ទាយមានជ័យអោយទទួលបាននូវមធ្យោបាយពីអំណាចនៃការរស់ឡើងវិញរបស់ព្រះជាម្ចាស់”។ ក្នុងនោះជួយបណ្តុះបណ្តាលវិជ្ជាជីវ:យុវជននារីជាសិស្សធ្លាក់ឬជាប់បាក់ឌុបដែលគ្មានលទ្ធភាពទៅបន្តការសិក្សានៅតាមមហាវិទ្យាល័យ សាកលវិទ្យាល័យនៅឆ្ងាយពីផ្ទះ,ជួយពលករខ្មែរកុំអោយចំណាកស្រុកទាំងប្រថុយប្រថានទៅរកកាេងារធ្វើនៅប្រទេសថៃជាដើម ។
លោកឧបនាយករដ្ឋមន្ត្រី កែ គឹមយ៉ាន ប្រធានអាជ្ញាធរជាតិប្រយុទ្ធប្រឆាំងគ្រឿងញៀននិងជាប្រធានក្រុមការងារថ្នាក់ជាតិចុះជួយខេត្តបន្ទាយមានជ័យមានប្រសាសន៍ថ្លែងអំណរគុណដល់លោកម៉ាក ហ្គេបផឺត និងសហាករី ព្រមទាំងក្រុមជំនុំ សប្បុរសជនដែលបានជួយដល់វិស័យអប់រំកម្ពុជា និងនៅខេត្តនេះ។ នេះជាជំនួយត្រូវចំគោលបំណងដែលយើងចង់បាន។
ព្រោះវាស្របនឹងគោលនយោបាយរបស់រាជរដ្ឋាភិបាលលើវិស័យអប់រំក្នុងការពង្រីកបរិមាណ ពង្រឹងគុណភាពនិងជំរុញឲ្យគ្រប់ភូមិសិក្សាមានសាលារៀនចំណេះទូទៅនិងតម្រង់ទិសវិជ្ជាជីវ:៕ ដោយ ៖ បន្ទាយ
