ក្នុងសោកនាដកម្មខាងលើ នៅផ្ទះមួយនៃប្រទេសឥណ្ឌា សាកសពមនុស្ស១០នាក់ដែលត្រូវបិទមុខ រួចព្យួរប៉ែលប៉ោលនៅលើដំបូលផ្ទះ លើកលែងតែករណីយាយចាស់វ័យ៧០ម្នាក់ប៉ុណ្ណោះដែលស្ថិតនៅលើកម្រាលឥដ្ឋ ។
តាម SCMP ជនរងគ្រោះទាំងអស់គឺជាក្រុមគ្រួសារតែមួយ ហើយអ្នកទាំងនោះសុទ្ធសឹងរស់នៅក្នុងគេហដ្ឋានមួយក្នុងភូមិ Burari ភាគខាងជើងរដ្ឋធានីNew Delhi ប្រទេសឥណ្ឌា។
សាកសពទាំងអស់ត្រូវបានបញ្ជូនទៅធ្វើកោសលវិច័យដើម្បីស្វែងរកមូលហេតុនៃសោកនាដកម្មនេះ គ្រាន់តែគេពុំដឹងថាពុំមានលិខិតបណ្ដាំអ្វីមួយបន្សល់ទុកឡើយ។
ប៉ូលិសគ្រាន់តែប្រាប់ថា គេពុំបានរកឃើញគ្រាប់កាំភ្លើងណាមួយលើរាងកាយរបស់ជនរងគ្រោះ ដែលរួមមានស្ដ្រីចំណាស់៣នាក់ នារីវ័យក្មេង៤នាក់និងបុរស៤នាក់ក្នុងគ្រួសារ ហើយប៉ូលិសក៏ពុំបានរកឃើញស្លាកស្នាមបន្សល់ទុកថាមានអ្នកក្រៅផ្ទះសម្រុកចូលនោះឡើយ។
តាមHindustan Times ឱ្យដឹងថា ពួកគេបានមករស់នៅទីនេះ២០ឆ្នាំហើយ ហើយផ្ទះនេះមានម្ចាស់កម្មសិទ្ធិជាថៅកែរោងចក្រកែច្នៃឈើនិងទឹកដោះគោ ។កាសែតដដែលសរសេរថា នៅព្រឹកថ្ងៃកើតហេតុ មានអ្នកជិតខាងម្នាក់បានដើរកាត់ផ្ទះនេះ ហើយពេលក្រឡេកមើលចូលខាងក្នុងក៏ឃើញសាកសពដែលគេព្យួរលើដំបូលផ្ទះ៕
សូយន