ស្ថាប័នស្រទាប់បរិយាកាសនិងមហាសាគរអាមេរិក(NOAA) បានចាត់នាវាមុជទឹកចុះទៅបាតសមុទ្រដើម្បើស៊ើបអង្កេតស្នូរសំឡេងចម្លែកនិងអាថ៌កំបាំងដែលគេពុំធ្លាប់ឮ ក្រោយពេលដែលក្រុមអ្នកស្រាវជ្រាវបង្កើតផែនទីសមុទ្រភាគពាយ័ពអាមេរិកបានប្រទះឮកាលពីខែមុន។
នាវាមុជទឹកត្រូវបានចាត់ឱ្យទៅប្រតិបត្តិការស៊ើបអង្កតរកសំឡេងចម្លែកនៅបាតសមុទ្រ
ដំបូងឡើយគេគិតថាសំឡេងចម្លែកនេះអាចជាស្នូរចេញពីនាវាមុជទឹកណាមួយនោះ ប៉ុន្ដែក្រុមស្រាវជ្រាវបែរជាប្រទះឃើញផ្ទាំថ្មដ៏ធំសម្បើមមួយ ហើយក្នុងនោះមានសភាវៈដ៏ច្រើនកុះករកំពុងរស់នៅ។
គួររំលឹកថា NOAA ធ្លាប់បានចាត់នាវាមុជទឹកឱ្យទៅស្វែករកនាវាដែលលិចលង់នៅឈូងសមុទ្រម៉ិចស៊ិកកូ។ពូកគេបានរកឃើញនាវាចោរសមុទ្រមួយដែលបានលិចកាលពីសតវត្សរ៍ទី១៩ និងនាវាមួយគ្រឿងទៀតពុំទាន់ស្គាល់អត្តសញ្ញាណកាលពីរាប់រយឆ្នាំមុន៕
សូយន
