Redoine Faid អាយុ៤៦ឆ្នាំ បានគេចផុតពីពន្ធនាគារ Reau ស្ថិតនៅជាយក្រុងភាគអាគ្នេយ៍រដ្ឋធានីប្រទេសបារាំង ដោយបានការគាំទ្រពីគូកនបំពាក់ដោយអាវុធធុនធ្ងន់ ។ការរំដោះខ្លួនចេញនេះប្រើពេលតែប៉ុន្មាននាទីប៉ុណ្ណោះ។
រូប Redoine Faid ក្នុងសវនាការកាលពីឆ្នាំ២០០១
ការរត់ចេញពីគុកនេះ ក្រោយពេលដែលជនល្មើសត្រូវបានប្រកាសសាលក្រមឱ្យជាប់គុក២៥ឆ្នាំ ក្នុងករណីប្លន់ប្រដាប់អាវុធមួយកាលពីខែឧសភា ឆ្នាំ២០១០ ធ្វើឱ្យប៉ូលិសស្រីម្នាក់ស្លាប់។
នៅវេលាម៉ោង១១:៣០នាទីម្សិលមិញនេះ ឧទ្ធម្ភាគចក្រមួយគ្រឿងបានចុះចតពីលើដំបូលពន្ធនាគារ ហើយទទួលយក Faid ទៅ។ ក្រោយមកបន្ដិច អាជ្ញាធរបានរកឃើញយន្ដហោះនេះស្ថិតនៅជាយក្រុងភាគឦសានក្រុងប៉ារីស។ឥឡូវប៉ូលសិកំពុងបើកយុទ្ធនាការទូទាំងប្រទេសដើម្បីចាប់ខ្លួន។
គួរកត់សម្គាល់ថា Faid ធ្លាប់បានគេចចេញពីគុករួចម្ដងហើយនៅដើមឆ្នាំ២០១៣ ដោយប្រើគ្រឿងផ្ទុះទម្លុះជញ្ជាំង៕
សូយន