តាម CNN ដែលដកស្រង់សម្តីរបស់មេបញ្ជាការប៉ូលិស Tunauan ឲ្យដឹងថា អភិបាលក្រុង Antonio Halili បានត្រូវគ្រាប់កាំភ្លើងមួយគ្រាប់ចំដើមទ្រូង ខណៈពេលលោកកំពុងឈរគោរពទង់ជាតិនៅពីមុខសាលាក្រុងវេលាម៉ោង ៨ព្រឹក ។ ថ្វីត្បិតត្រូវបានបញ្ជូនទៅមន្ទីរពេទ្យភ្លាម ប៉ុន្តែវេជ្ជបណ្ឌិតបញ្ជាក់ថា គាត់បានស្លាប់ទៅហើយ ។
អភិបាលក្រុង Antonio Halili ។
ប៉ូលិសនៅពុំទាន់ដឹងថា ខ្មាន់កាំភ្លើងជានរណា ហើយមូលហេតុនៃការធ្វើឃាតនេះដើម្បីអ្វី ។
Antonio Halili តែងមានសកម្មភាពបង្កជាការជជែកវែកញែក ព្រោះគាត់តែងចាប់ពួកជួញដូរគ្រឿងញៀន បណ្តើរតាមដងវិថីនៅពេលថ្ងៃឲ្យគេឯងឃើញ ហើយលោកចាប់ផ្តើមអនុវត្តគោលការណ៍បែបនេះតាំងពីឆ្នាំ ២០១៤មក ហើយក្នុងកណ្តាប់ដៃអភិបាលក្រុងនេះ មានកងប្រឆាំងឧក្រិដ្ឋកម្មគ្រឿងចំនួន ៧០រូប ៕ សូយន
