កាលពីថ្ងៃទី២ ខែកក្កដា នាយករដ្ឋមន្ដ្រីអង់គ្លេស Theresa May ប្រកាសថា អ្នកស្រីបានព្រមានទៅកាន់បណ្ដាមេដឹកនាំសហគមន៍អឺរ៉ុប (EU) កាលពីសប្ដាហ៍មុនថា សភាអង់គ្លេសនឹងមិនអនុម័តកិច្ចព្រមព្រៀងមួយអំពីបញ្ហាអង់គ្លេសចាកចេញពី EUឬហៅថា Brexitនោះ លើកលែងតែកិច្ចព្រមព្រៀងនេះបញ្ជាក់យ៉ាងច្បាស់លាស់អំពីចំណងទាក់ទងរបស់អង់គ្លេសជាមួយ EUក្នុងថ្ងៃអនាគត។
ទង់ជាតិ EU
ទង់ជាតិ EU
ថ្លែងចំពោះមុខសភាអង់គ្លេស នាយករដ្ឋមន្ដ្រី Theresa May លើកឡើងច្បាស់ថា «ខ្ញុំបានព្រមានប្រាប់ប្រាប់មេដឹកនាំ EUថាខ្ញុំមិនរំពឹងថាសភានឹងអនុម័តកិច្ចព្រមព្រៀងមួយចាកចេញផុតពី EUនៅហេមន្ដរដូវនេះឡើយ លើកលែងតែយើងខ្ញុំទទួលបាននូវការបញ្ជាក់ច្បាស់លាស់អំពីចំណងទាក់ទងក្នុងថ្ងៃអនាគតជាមួយ EU»។
តំណាងរាស្ដ្រអង់គ្លេសមានគម្រោងនឹងបោះឆ្នោតអនុម័តមាត្រាទាំងឡាយរបស់ Brexit នាហេមន្ដរដូវឆ្នាំនេះ៕
សូយន