ទំព័រហ្វេសប៊ុករបស់កងទ័ពជើងទឹកថៃ Thai Navy SEAL បានបញ្ចេញឃ្លីបមួយ បង្ហាញពីការជួបគ្នាជាលើកដំបូងរវាងអ្នកមុជទឹកចក្រភពអង់គ្លេស និងក្មេងៗបាល់ទាត់ទាំង១២នាក់ និងគ្រូបង្វឹកម្នាក់របស់ពួកគេ ដែលបានជាប់គាំងនៅក្នុងរូងភ្នំត្រូវលិចលង់ដោយជំនន់ទឹកភ្លៀង Tham Luang ។
ខាងក្រោមជាកំណត់ត្រាសម្លេងថតសន្ទនាររបស់ពួកគេ ដែលចេញផ្សាយនៅលើទំព័រហ្វេសប៊ុក Thai Navy SEAL៖
អ្នកមុជទឹក៖ ក្មួយៗ ងើបឡើង!
ក្មេងប្រុស៖ អរគុណពូ [យំ]
អ្នកមុជទឹក៖ តើក្មួយៗមានគ្នាប៉ុន្មាននាក់?
ក្មេងប្រុស៖ ១៣នាក់ ពូ!
អ្នកមុជទឹក៖ ១៣ នាក់មែនទេ?
ក្មេងប្រុស៖ បាទ បាទ!
អ្នកមុជទឹក៖ អស្ចារ្យណាស់!
ក្មេងប្រុស៖ [សម្លេងពិបាកស្លាប់]
អ្នកមុជទឹក៖ ទេ មិនមែនថ្ងៃនេះទេ ។ វាទើបតែបានរយៈពេល២ថ្ងៃប៉ុណ្ណោះ ដែលពួកពូត្រូវមុជទឹកមកទីនេះ ។ ហើយមានមនុស្សជាច្រើន ដែលកំពុងចូលមក គឺមានច្រើនមែនទែន ។ នេះជាវត្តមានលើកទី១ហើយ ដែលពូកពូចូលមកទីនេះយ៉ាងលំបាក ។
ក្មេងប្រុស៖ តើថ្ងៃនេះជាថ្ងៃអ្វី?
អ្នកមុជទឹកទី១៖ ថ្ងៃស្អែក
អ្នកមុជទឹកទី២៖ ទេៗ! តើថ្ងៃនេះថ្ងៃអី?
អ្នកមុជទឹក៖ ថ្ងៃនេះគឺថ្ងៃចន្ទ ប៉ុន្តែ ១សប្តាហ៍ហើយ ។ ក្មួយៗកំពុងស្ថិតនៅទីនេះអស់រយៈពេល ១០ ថ្ងៃ ហើយ ក្មួយៗពិតជាអស្ចារ្យមែន!
ក្មេងប្រុសទី១និយាយជាភាសាថៃ៖ មានអ្នកណាចេះអង់គ្លេសទេ បកប្រែឲ្យខ្ញុំស្តាប់តិចមក?
ក្មេងប្រុសទី២និយាយជាភាសាថៃ៖ មិនអាចស្តាប់គាត់និយាយបានទេ!
អ្នកមុជទឹក៖ ពួកយើងកំពុងចូលមកទីនេះ !
ក្មេងប្រុស៖ ពួកខ្ញុំពិតជាហេវខ្លាំងណាស់ !
អ្នកមុជទឹក៖ ពូកដឹងហើយ ពូយល់ ។ ពួកពូកំពុងមកជួយសង្គ្រោះក្មួយៗហើយ ។
ក្មេងប្រុសទី១និយាយជាភាសាថៃ៖ ពួកគាត់នឹងថតរូបពួកយើងសិន ។
ក្មេងប្រុសទី២និយាយជាភាសាថៃ៖ ប្រាប់ពួកគាត់ទៅថា ពួកយើងកំពុងហេវខ្លាំងណាស់ ។
ក្មេងប្រុស៖ តើពូចូលមកជួយពួកខ្ញុំប៉ុន្មានថ្ងៃហើយ?
អ្នកមុជទឹក៖ ពួកពូកំពុងមុជទឹកចូលក្នុងទីនេះសម្រាប់អ្វីៗ….ថ្ងៃស្អែក ពួកពូនឹងជួយនៅថ្ងៃស្អែក ។ ចំណីអាហារ, គ្រូពេទ្យ និងអ្វីៗផ្សេងៗទៀត មាននៅថ្ងៃនេះ រីករាយទេ? ពួកពូនឹងផ្តល់ភាពរីករាយបន្ថែមទៀត ។ [លឺស្នូរសម្លេងមាននរណាម្នាក់ធ្លាក់ទឹក]
ក្មេងប្រុស៖ ឡើងមកៗ ។ បងប្រុសប្រញាប់ឡើង ។
អ្នកមុជទឹក៖ ពូរំភើបចិត្តពេក!
ក្មេងប្រុស៖ ខ្ញុំសប្បាយចិត្តខ្លាំងណាស់!
អ្នកមុជទឹក៖ ពួកពូក៏សប្បាយចិត្តខ្លាំងណាស់ដែរ!
ក្មេងប្រុស៖ អរគុណពូៗខ្លាំងណាស់!
អ្នកមុជទឹក៖ មិនអីទេ
ក្មេងប្រុស៖ តើពូកមកពីប្រទេសណាដែរ?
អ្នកមុជទឹក៖ ពួកពូមកពីអង់គ្លេង, ចក្រភពអង់គ្លេស ៕ ឧត្តម