រាជធានីភ្នំពេញ៖ បណ្តាញសង្គមហ្វេសប៊ុក facebook របស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា ព្រឹកថ្ងៃទី៣ ខែកក្កដា ឆ្នាំ២០១៨ បានឲ្យដឹងថា ព្រឹកនេះ ខ្ញុំបានមើលសារព័ត៌មានរស្មីកម្ពុជា ដែលបានសរសេរថា (រដ្ឋាភិបាលនឹងដាក់បឹងយក្សឡោមទៅឱ្យក្រុមហ៊ុនចិនវិនិយោគរយៈពេល៧៥ឆ្នាំ)។ សម្តេចមានប្រសាសន៍ថា តើអ្នកណាបង្កើតរឿងបែបនេះឡើងដើម្បីអ្វី?
ក្នុងឋានៈជាប្រមុខរាជរដ្ឋាភិបាល ខ្ញុំសុំទាត់ចោលទាំងស្រុង នូវការវិនិយោគឯកជនណាមួយមកលើបឹង ធម្មជាតិដ៏សំខាន់នេះ ទោះក្រុមហ៊ុននោះមកពីប្រទេសណាក៏ដោយ។
អ្នកកាសែតរស្មីកម្ពុជា បានបញ្ជាក់ថា ពិតជាមានឯកសារស្នើសុំវិនិយោគបឹងយក្សឡោមពីក្រុមហ៊ុនចិនពិតមែន៕ ដែន សីមា