គេតែងនិយាយថា មនុស្សមានរូបសម្បត្តិល្អ និងកាយសម្បទាពេញលេញម្នាក់ ដែលបានជួបដៃគូជីវិតខ្វះខាតនូវរូបសម្បត្តិដ៏អាក្រក់ ឬ កាយសម្បទាណាមួយរបស់ពួកគេ គឺជានិស្ស័យដែលត្រូវបានចារមកពីអតីតជាតិ ។ ប៉ុន្តែ សម្រាប់គូស្នេហ៍វ័យក្មេងជនជាតិចិនដ៏អភព្វនេះវិញ កំពុងធ្វើឲ្យអ្នកទស្សនានៅជុំវិញពិភពលោក ភ្ញាក់ផ្អើលនិងកោតសរសើរជាខ្លាំង ព្រោះថាពួកគេទាំងពីរសុទ្ធតែពិការជើង និងដៃដូចគ្នា ប៉ុន្តែ ពួកគេបានផ្តល់ក្តីស្រលាញ់ និងតស៊ូជំនះជីវិតជាមួយគ្នាដ៏លើសលុបបែបនេះ ដែលគូស្នេហ៍ធម្មតាដទៃពុំអាចធ្វើបាន ។
ថ្មីៗនេះ វីដេអូបង្ហាញពី «ខណៈពេលដ៏ផ្អែមល្ហែម» របស់គូសេ្នហ៍ពិការខាងលើនេះ បានកំពុងរីករាលយ៉ាងខ្លាំងនៅលើបណ្តាញសង្គម ។ រូបភាពបានបង្ហាញឲ្យឃើញស្ត្រីជាប្រពន្ធពិការដៃស្តាំ បានអៀវប្តីរបស់នាងដែលពិការជើងទាំងពីរត្រឹមភ្លៅ ដោយដាក់គាត់ចូលកន្ត្រកប្ញស្សីចងពាក់នឹងស្មារបស់នាង ខណៈពេលឡើងផ្សារទំនើបមួយ ។
នៅក្នុងផ្សារទំនើប បុរសជាប្តីត្រូវបានឃើញឆ្នៀតឈោងដៃ ជួយរើសរបស់របរទំនិញផ្សេងៗដែលជាតម្រូវការ សម្រាប់ប្រពន្ធរបស់គាត់មិនឲ្យទំនេរដែនោះទេ ។ ដែលទង្វើនេះសបញ្ជាក់ឲ្យឃើញថា ជាសកម្មភាពផ្តល់កម្លាំងចិត្តមួយផ្នែកតូចមួយ ដែលគាត់ពុំអាចមើលនឹងភ្នែក ដេកចាំតែរស់ស្រណុកស្រួលឡើយ ។
ក្រៅពីចេះជួយកាងារគ្នាយ៉ាងល្អូកល្អឺន ដើម្បីតស៊ូនឹងជីវិតប្រចាំថ្ងៃ ពួកគេក៏មានពេលវេលា ដើម្បីបង្ហាញពីក្តីស្រលាញ់ឲ្យគ្នាយ៉ាងផ្អែមល្អែមទៀតផង ។
ទន្ទឹមនេះផងដែរ អ្នកលេងអ៊ីនធើរណេតជាច្រើន ក៏បានលើកឡើងនូវពាក្យពេចន៍កោតសរសើរយ៉ាងដូចៗច្នេះថា៖ «អ្នកទាំងពីរពិតជាស្រស់ៗស្អាតណាស់ ទាំងប្តីទាំងប្រពន្ធហ្មង!! ។ ខ្ញុំសូមកោតសរសើរជាខ្លាំង ចំពោះទង្វើរផ្តល់ក្តីស្រលាញ់ឲ្យគ្នាបែបនេះ បើទោះបីអ្នកទាំងពីរពិការមែនពិត ស៊ូៗ!!!» ៕ ចន្ទី
