បើគិតមកដល់ថ្ងៃទី០៣ ខែមិថុនា ឆ្នាំ២០១៨នេះ គឺដល់ថ្ងៃបុណ្យ៧ថ្ងៃរបស់ ឌីជេ អាលីយ៉ាហើយ ហើយបើយោងតាមទិដ្ឋភាពបង្ហោះរបស់អ្នកនាង ចន ច័ន្ទលក្ខិណា គឺក្នុងពិធីមានសភាពស្ងប់ស្ងាត់ សោកសៅជាទីបំផុត ខណៈដែលសពពុំមានសាច់ញាតិ មិត្តភក្ដិណាមកចូលរួមបុណ្យឡើយ ។
ឌីជេ អាលីយ៉ា ត្រូវបានគេដឹងថា ជាកូនកំព្រា ពុំមានសាច់ញាតិ ទើបពិធីបុណ្យសពរបស់នាង មានលក្ខណៈស្ងាត់ជ្រងំ សូម្បីតែមកទល់ពេលនេះ ជាថ្ងៃបុណ្យ ៧ថ្ងៃទៅហើយ ក៏នៅតែស្ងាត់ដដែល ទើប ប្រធានសមាគន៍សិល្បៈខ្មែរខាងលើនេះ បានអំពាវនាវយ៉ាងដូច្នេះ ថា សូមអញ្ជើញបងប្អូនចូលរួមផង ល្ងាចនេះម៉ោង ៣រសៀល នៅវត្តទួលសន្តិវ័ន (ហៅ វត្ត ទួលអស់លោក ឬ វត្តទួល ) ភូមិបឹងសាឡាង សង្កាត់ឫស្សីកែវ ខណ្ឌឫស្សីកែវ សូមបងប្អូនមិត្តភ័ក្តិជិតឆ្ងាយ អញ្ជើញចូលរួមដោយអនុគ្រោះផង និងសូមជួយសែរចែកចាយព័ត៌មាននេះផង លេខសម្រាប់ទំនាក់ទំនងព័តមាន ០៨៥ ៤៤ ៨២ ០៣» ៕ សាវុធ